(झुंजार प्रतिनिधी योगेश पाटील)
धरणगाव : युनियन बँक ऑफ इंडिया धरणगाव शाखेचे व्यवस्थापक श्री.मोरे यांच्या विरोधात शेतकऱ्याने आमरण उपोषण आज पासुन सुरू केले आहे.
याबाबत सविस्तर वृत्त असे की योगेश रामलाल पुरभे हे धरणगाव येथे युनियन बँक ऑफ इंडिया धरणगांव शाखेचे जुने खातेदार आहेत. सालाबादप्रमाणे योगेश पुरभे यांनी शेतीसाठी नियमित पीककर्ज घेतलेले होते व घेतलेल्या कर्जाची रक्कम नियमीत वेळेवर न चुकता बँकेला भरली होती.
ऑगस्ट महिन्यात युनियन बँकेचे व्यवस्थापक श्री. भुषण मोरे साहेब यांना पीक कर्ज संदर्भात मागणीसाठी योगेश पुरभे गेले असता त्यांनी सकारात्मक प्रतिसाद देत सांगितले की प्रकरण तयार करुन आणा आम्ही लगेच लवकरात लवकर पीक कर्ज मंजूर करून देतो. त्या नंतर योगेश पुरभे श्री. मोरे साहेब यांच्याकडे वारंवार गेले असता त्यांनी योग्य तो प्रतीसाद न देता श्री. पुरभे यांना डावलण्याचा प्रयत्न केला.
आता खरंच शेतकरी योगेश पुरभे यांना कर्जाची गरज होती कारण त्यांनी अनेकांकडून उसनवारी पैसे घेतलेले आहेत. त्यामुळे त्यांना बँक मदत करेल असे वाटत होते परंतु ते प्रयत्न करूनही जर जगाचा पोशिंदा आर्थिक विवंचनेत असेल तर काय उपयोग त्यामुळे श्री.योगेश पुरभे यांनी युनियन बँकेच्या शाखा व्यवस्थापक श्री. मोरे यांच्या मनमानी कारभारा विरुद्ध सोमवार पासून उपोषणास सुरूवात केली आहे.
या प्रसंगी शिवसेनेचे सह संपर्कप्रमुख श्री.गुलाबराव वाघ यांनी व्यवस्थापक यांना भेटून लवकरात लवकर शेतकरी हिताचा योग्य तो निर्णय घेऊन प्रश्न मार्गी लावावा असे प्रतिपादन केले आहे.
हे पण वाचा
- माता तू वैरीण!अविवाहित महिलेचे प्रियकरासोबत शारीरिक संबंध दोनवेळा प्रेग्नंट, जन्मताच रडत्या बाळांना संपवलं… प्रियकर स्वतः गेला पोलिसात.
- राज्याचे कॅबिनेट मंत्री ना.गिरीष महाजन यांचा शिक्षक समन्वय संघ जळगाव,च्या वतीने आभार पर सत्कार.
- रस्त्याने जाणाऱ्या महिलेला भररस्त्यात गाठून माझ्यासोबत शारीरिक संबंध ठेव नाही तर ठार मारेन; धमकी देणाऱ्या आरोपीला 24 तासाच्या आत अटक.
- निवासी शाळेतून मुलीचा शाळेचा दाखला काढण्यासाठी गेलेल्या पालकाला संस्थाचालक व त्यांच्या पत्नीने केलेल्या मारहाणीत मृत्यू.
- अल्पवयीन मुलीशी केली मैत्री,फूस लावून बसविले एक्स्प्रेसमध्ये अन् धावत्या रेल्वेत टॉयलेटमध्ये नेऊन नराधमाने केला लैंगिक अत्याचार.
