परभणी : राज्यात काहीही झालं तरी महिला अत्याचाराचे प्रकार काही थांबण्याचं नाव घेत नाहीयेत. अशात लग्नाचं अमिष दाखवून एका ४४ वर्षीय महिलेवर सतत दहा वर्ष अत्याचार केल्याची धक्कादायक घटना परभणी शहरातील हाजी हमीद कॉलनी भागात घडली आहे. तसेच सदरील प्रकार कोणाला सांगितल्यास पीडित महिलेला जिवे मारण्याची धमकी दिली आहे. याप्रकरणी पीडितेच्या तक्रारीवरून संशयित आरोपी शेख सलीम शेख सादेक याच्या विरोधात कोतवाली पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, या प्रकरणी महिलेने दिलेल्या तक्रारीवरून कोतवाली पोलीस ठाण्यामध्ये आरोपी विरोधात गुन्हा दाखल करण्यात आला आहे. शेख सलीम शेख सादेक असे गुन्हा दाखल झालेल्या आरोपीचे नाव आहे.
याबाबत अधिक माहिती अशी की, परभणी शहरातील हाजी हमीद कॉलनी भागात राहणाऱ्या ४४ वर्षीय महिलेला आरोपी शेख सलीम शेख सादेक याने लग्नाचे अमिष दाखवून महिलेचे दहा वर्षापासून शोषण केले. पीडित महिलेने घडलेला प्रकार कोणाला सांगू नये यासाठी आरोपी शेख सलीम शेख सादेक यांनी महिलेला थापडबुक्याने मारहाण करून जीवे मारण्याची धमकी दिली.
वारंवार होत असलेल्या मारहाणीला आणि अत्याचाराला कंटाळलेल्या पीडित महिलेने अखेर कोतवाली पोलीस ठाणे गाठून दिलेल्या तक्रारीवरून आरोपी शेख सलीम शेख सादेक याच्या विरोधात गुन्हा दाखल करण्यात आला आहे. सदरील घटनेचा पुढील तपास सहाय्यक पोलीस निरीक्षक रामेश्वर तुरनर करत आहेत. तर या अगोदर एका महिलेला लग्नाचे अमिष दाखवून सतत बारा वर्षे अत्याचार केल्याची घटना परभणीमध्ये घडली होती. त्यात आता हा दुसरा प्रकार समोर आल्याने महिला सुरक्षेचा प्रश्न ऐरणीवर आला आहे.
हे पण वाचा
- Viral Video: मार्केटमध्ये एक सुंदर ड्रेस दोन महिलांना आवडला तो घेण्यावरून सुरू झाला वाद मग सुरू झाली तुंबळ हाणामारी पहा व्हिडिओ
- महाविद्यालयाच्या हॉस्टेलच्या बाथरूममध्ये इतर मुलींचे आंघोळ करतानाचे व्हिडिओ शूट करून तरुणीने क्लिप्स पाठवल्या प्रियकरास, तरुणीस पोलिसांनी घेतले ताब्यात.
- हृदयद्रावक! लग्नाच्या दुसऱ्याच दिवशी हळद सुकण्यापूर्वीच नववधूच्या मांडीवर डोके टेकत नवरदेवाने सोडला प्राण, सर्वत्र हळहळ.
- संघटित गुन्हे करणाऱ्या घरफोडीतील गुन्हेगारांना एमआयडीसी पोलिसांनी केले जेरबंद,१लाख ८५ हजार रुपयांच्या मुद्देमाल जप्त.
- Viral Video:एक्स्प्रेसवेवर तरुणांची सुसाट वेगाने बाईक चालवत जीवघेणी स्टंटबाजी; तोल जाताच कोसळले, मागून आला ट्रक अन् पहा काळजात धडकी भरेल असा व्हिडिओ.
