Bathing mistakes : आंघोळ करणं आणि स्वच्छतेची काळजी घेणं गरजेचं आहे. पण काही लोक बाथरूममध्ये अशा चुका करतात की, ज्या त्यांच्या आरोग्यासाठी नुकसानकारक ठरतात.
Bathing mistakes : बाथरूमचा तुमचं आरोग्य आणि जीवनाशी घनिष्ट संबंध आहे. एका रिपोर्टच्या आकडेवारीवरून समजतं की, तुम्ही तुमच्या जीवनातील साधारण 1.5 वर्ष बाथरूममध्ये घालवता. त्याहून आश्चर्याची बाब म्हणजे तुम्ही तुमच्या जीवनातील साधारण 6 महिने आंघोळ करण्यात घालवता. तसं तर या तथ्यात काहीच आश्चर्य नाही. कारण स्वच्छता प्रत्येक व्यक्तीच्या जीवनात फार महत्वाची भूमिका बजावते.
आंघोळ करणं आणि स्वच्छतेची काळजी घेणं गरजेचं आहे. पण काही लोक बाथरूममध्ये अशा चुका करतात की, ज्या त्यांच्या आरोग्यासाठी नुकसानकारक ठरतात. अर्थातच तुम्हाला त्यावेळी कळणार नाही, पण अशाप्रकारच्या चुकांचे नंतर गंभीर परिणाम होतात. चला जाणून घेऊ कोणत्या चुका टाळाव्यात.
वर्कआउटनंतर लगेच आंघोळ
काही लोक विचार करतात की, वर्कआउटनंतर लगेच आंघोळ करण्याचं एकमेव कारण दुर्गंधी आहे. पण इतरही काही कारणे असतात. घाम आपल्या त्वचेवर बॅक्टेरियाच्या उत्पादनाला उत्तेजित करतो. ज्यामुळे शरीरावर पुरळ येऊ शकते.
झोपण्याआधी थंड पाण्याने आंघोळ
सकाळी थंड पाण्याने आंघोळ केल्याने स्ट्रेस कमी होतो. इम्यून सिस्टम मजबूत होतं आणि तणाव कमी होतो. पण झोपण्याआधी थंड पाण्याने आंघोळ केली तर तुम्हाला झोप न येण्याची समस्या होऊ शकते.
रोज आंघोळ करणं आणि केस धुणं
ज्या लोकांचे केस पातळ आणि कमजोर असतात त्यांनी ते रोज धुण्यापासून वाचलं पाहिजे. केस धुण्यासाठी सर्वात चांगला पर्यात आठवड्यातून दोन दिवस असतो. ज्यामुळे केसांची मजबूती कायम राहते. एका रिपोर्टनुसार, रोज आंघोळ केल्याने त्वचेवर जळजळ आणि ओलावा कमी होऊ शकतो. कारण पाण्याने चांगले बॅक्टेरिया धुतले जातात. याने त्वचेवर संक्रमण होण्याची शक्यता असते.
शॉवर हेडची स्वच्छता
जर तुम्ही बऱ्याच दिवसांपासून शॉवर हेडचा वापर करत असाल, तर तुम्ही तो स्वच्छ केला पाहिजे. त्यात मळ, माती जमा झालेली असते. जे तुमच्या आरोग्यासाठी नुकसानकारक ठरते. एका रिसर्चमध्ये वैज्ञानिकांना आढळून आलं की, शॉवर हेड्सवर बॅक्टेरिया असू शकता जे तुमच्या फुप्फुसाच्या आजाराचं कारण ठरू शकतात.
जास्त दिवस एकच टॉवेल वापरणे
जास्त काळ एकाच टॉवेलचा वापर करू नका. जर तुम्ही अशा टॉवेलचा वापर करत असाल जो पूर्णपणे सुकलेला नाही तर त्यात बॅक्टेरिया असू शकतात. मायक्रोबायोलॉजिस्ट फिलिप टिएर्नो एकच टॉवेल धुण्याआधी 3 वेळा वापरण्याचा सल्ला देतात.
हे वाचलंत का ?
- Viral Video: मार्केटमध्ये एक सुंदर ड्रेस दोन महिलांना आवडला तो घेण्यावरून सुरू झाला वाद मग सुरू झाली तुंबळ हाणामारी पहा व्हिडिओ
- महाविद्यालयाच्या हॉस्टेलच्या बाथरूममध्ये इतर मुलींचे आंघोळ करतानाचे व्हिडिओ शूट करून तरुणीने क्लिप्स पाठवल्या प्रियकरास, तरुणीस पोलिसांनी घेतले ताब्यात.
- हृदयद्रावक! लग्नाच्या दुसऱ्याच दिवशी हळद सुकण्यापूर्वीच नववधूच्या मांडीवर डोके टेकत नवरदेवाने सोडला प्राण, सर्वत्र हळहळ.
- संघटित गुन्हे करणाऱ्या घरफोडीतील गुन्हेगारांना एमआयडीसी पोलिसांनी केले जेरबंद,१लाख ८५ हजार रुपयांच्या मुद्देमाल जप्त.
- Viral Video:एक्स्प्रेसवेवर तरुणांची सुसाट वेगाने बाईक चालवत जीवघेणी स्टंटबाजी; तोल जाताच कोसळले, मागून आला ट्रक अन् पहा काळजात धडकी भरेल असा व्हिडिओ.
