अपघाताचे अनेक व्हिडीओ सोशल मीडियावर व्हायरल होत असतात. यातील काही व्हिडीओ इतके गंभीर असतात की हे व्हिडीओ पाहून अनेकांना धक्का बसतो. सध्या बंगळुरूमधील अशाच एका धक्कादायक अपघाताचा व्हिडीओ समोर आला आहे. हा व्हिडीओ पाहिल्यानंतर तुमचाही थरकाप उडेल.
या व्हिडीओमध्ये आपण पाहू शकतो की एक महिला दुचाकीवरून जात होती. त्याचवेळी रस्त्याच्या कडेला उभ्या असलेल्या कार चालकाने अचानक आपल्या गाडीचा दरवाजा उघडला. यामुळे मागून वेगाने येणारी दुचाकीस्वार महिला कारच्या दरवाजाला धडकली आणि रस्त्याच्या मधोमध पडली. ही घटना इथेच संपत नाही. यानंतर मागून येणाऱ्या दुसऱ्या कारने या महिलेला धडक दिली. लगेचच लोकांनी या महिलेला वाचवण्यासाठी धाव घेतली. ही घटना गेल्या महिन्यातील असल्याचं सांगितलं जात आहे.
कर्नाटकच्या राज्य रस्ते सुरक्षा प्राधिकरणाच्या अधिकृत ट्विटर अकाऊंटवरून हा व्हिडीओ शेअर करण्यात आला आहे. त्यांनी आपल्या ट्वीटमध्ये म्हटलंय, “सार्वजनिक रस्त्यावर तुमच्या गाडीचा दरवाजा उघडण्यापूर्वी, मागून येणाऱ्या वाहनांचा अंदाज घेण्यासाठी बाजूचा किंवा मागील व्ह्यू मिरर तपासा. यामुळे असे अपघात टाळण्यास मदत होईल. सावध रहा!”
या व्हिडीओमध्ये आपण पाहू शकतो की रस्त्याच्या कडेला एक एसयूव्ही उभी आहे. यातील चालक कोणताही विचार न करता रस्त्याच्या बाजूकडील दरवाजा उघडतो. त्याचवेळी मागून स्कुटीवरून येणाऱ्या महिलेला या दरवाजाची धडक बसते आणि ती खाली पडते. दुर्दैवाने मागून येणारी कारही तिला धडकते. यानंतर आजूबाजूचे लोक महिलेला मदत करण्यासाठी धाव घेतात. हा अपघात इतका भयानक आहे व्हिडीओ पाहिल्यानंतर तुमच्याही अंगावर शहरे येतील.
दरम्यान, ही घटना २४ सप्टेंबरची असल्याचं सांगितलं जातंय. हा व्हिडीओ आतापर्यंत ६४ हजारांहूनही अधिकवेळा पाहिला गेला आहे. व्हिडीओ पाहून नेटकरी हैराण झाले आहेत. तथापि, या अपघातातील महिलेला कितपत दुखापत झाली आहे हे अद्याप समजू शकलेले नाही. त्याचबरोबर या एसयूव्हीच्या मालकावर पोलिसांनी कारवाई केली आहे की नाही याबद्दलही कोणती माहिती मिळालेली नाही.
पहा व्हिडिओ :
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
