जळगाव : – सध्या महाराष्ट्रात घातपात झाल्याचा घटनांमध्ये दिवसेंदिवस वाढ होत आहे अश्यातच जळगाव शहरातील तांबापुरा परिसरातील सिकलकर वाडा भागात राहणाऱ्या संजयसिंग प्रदीपसिंग टाक या तरुणाचा सोमवारी रात्री फटाके फोडण्यावरून वाद झाला होता. आमच्या घरासमोर फटाके फोडू नये असा जाब विचारल्याने मोनूसिंग बावरी, सोनू सिंग बावरी, मोनसिंग बावरी यांच्यासोबत वाद झाला होता, अशी माहिती मृताच्या कुटुंबीयांनी दिली आहे.
जळगाव शहरातील तांबापुरा परिसरात दोन गटात झालेल्या वादात एका तरुणाचा खून झाल्याची घटना मंगळवार २५ ऑक्टोंबर रोजी रात्री नऊ वाजेच्या सुमारास घडली. या या घटनेत चार जण जखमी झाले असून परिसरात तणावाचे वातावरण निर्माण झाले आहे. संजयसिंग प्रदीपसिंग टाक (वय-२० रा. सिकलकर वाडा, तांबापुरा), असे मृत तरुणाचे नाव आहे. सोमवारी रात्री फटाके फोडण्यावरून याच परिसरात राहणाऱ्या बावरी भावंडांसोबत संजयसिंग याचा वाद झाला होता. तर, याच वादातून त्याचा २५ तारखेच्या रात्री खून झाल्याची माहिती मिळाली आहे.
मयताच्या कुटुंबीयांनी दिलेल्या माहितीनुसार, जळगाव शहरातील तांबापुरा परिसरातील सिकलकर वाडा भागात राहणाऱ्या संजयसिंग प्रदीपसिंग टाक या तरुणाचा सोमवारी रात्री फटाके फोडण्यावरून वाद झाला होता. आमच्या घरासमोर फटाके फोडू नये असा जाब विचारल्याने मोनूसिंग बावरी, सोनू सिंग बावरी, मोनसिंग बावरी यांच्यासोबत वाद झाला होता.
या हल्ल्यात चौघे झाले जखमी
मंगळवारी रात्री ९ वाजेच्या सुमारास संजयसिंग हा घराबाहेर क्रिकेटच्या गप्पा करीत असताना मोनूसिंग बावरी, सोनू सिंग बावरी, मोनसिंग बावरी यांनी त्याच्यावर चॉपरने हल्ला केला. संजयसिंग याला वाचविण्यासाठी त्याचे वडील प्रदीपसिंग टाक, भाऊ करणसिंग टाक, काका बलवंतसिंग टाक, गल्लीतील व्यक्ती बग्गासिंग टाक यांनी धाव घेतली असता त्यांच्यावर देखील हल्ला करण्यात आला. यात चौघे देखील जखमी झाले आहे.
दोन्ही गटांकडून झाली दगडफेक
घटनास्थळी दोन्ही गटाकडून जोरदार दगडफेक झाल्याची माहिती आहे. मयत आणि जखमींना जिल्हा सामान्य रुग्णालयात आणण्यात आले असून मोठी गर्दी जमली आहे. दरम्यान, परिसरातून दोघांना ताब्यात घेण्यात आले असून इतर संशयीत फरार झाल्याची माहिती समोर आली आहे.
सोमवारी झालेल्या वादावर एमआयडीसी पोलिसांनी वेळीच दखल घेत कारवाई केली असती तर आजचा प्रकार घडला नसता अशीही चर्चा परिसरातील नागरिकांमध्ये सुरू आहे.
हे वाचलंत का ?
- Viral Video: पोलीस स्टेशनबाहेरच गर्लफ्रेंड आणि बॉयफ्रेंडमध्ये जोरदार राडा; दोघांनी एकमेकांना धु धु धुतले पहा धक्कादायक व्हिडिओ.
- पैशाच्या लालसेपोटी सेवानिवृत्त परिचारीकेच्या केला होता खून; या गुन्ह्यातील ३० लाखांची रक्कम नातेवाईकांना केली परत.
- शेअर मार्केटिंगसाठी लोकांकडून पैसे का घेतो असे बोलण्याच्या राग आल्याने धरणगावात वृद्ध आजीवर नातवाने केला हल्ला. अज्ञाताने हल्ला करून पळून गेल्याच्या केला बनाव.
- पारोळा शिवारात 40 वर्षीय महिलेचा डोक्यात दगड टाकून खून;महिलेची ओळख पटली,आरोपी गजाआड, पारोळा पोलिसांची कामगिरी
- दोघांच्या लग्नाला झाली १३ वर्षे, अचानक महिलेस भेटला तिच्या प्रियकर, दोघांच्या मनावर राहिला नाही ताबा अन् मग पतीने असे केले की……
