जळगाव : – जळगाव जिल्ह्यातील चोपडा तालुक्यातील पंचक गावचे आरपीएफ जवान अक्षय सोये यांच्यामुळे एक मोठा अनर्थ टाळला. तो म्हणजे लहान मुलाला घेऊन लोकलमध्ये चढत असताना एका महिलेचा तोल जाऊन खाली पडत असताना त्या ठिकाणी ड्युटीवर असलेल्या आरपीएफचे जवान अक्षय सोये यांनी मोठ्या हिमतीने रेल्वेखाली जाणाऱ्या बाळाला वाचवलं आहे. ही संपूर्ण थरारक घटना रेल्वे स्थानकावर असलेल्या सीसीटीव्हीमध्ये कैद झाली. दरम्यान, अक्षय सोये यांचे सर्वत्र कौतुक होत आहे.
काय आहे घटना ?
बिहारमधील महिला तिच्या कुटुंबियांसह मुंबईतील कौपरखैने भागात राहते. महिला तिच्या एक वर्षाच्या मुलाला सोबत घेऊन मुंबादेवीच्या दर्शनाला जात होती. यासाठी ती मानखुर्द रेल्वेस्थानकावर आली आणि मुलगा कड्यावर घेवून सीएसएमटीकडे जाणाऱ्या लोकलमध्ये चढतांना तिचा पाय घसरला आणि प्लॅटफॉर्ममध्ये अडकली. लहान मुलाला घेऊन लोकलमध्ये चढत असताना एका महिलेचा तोल जाऊन खाली पडत असताना त्या ठिकाणी ड्युटीवर असलेल्या आरपीएफचे जवान अक्षय सोये यांनी मोठ्या हिमतीने रेल्वेखाली जाणाऱ्या बाळाला वाचवलं आहे. ही धक्कादायक घटना मुंबई मधील मानखुर्द रेल्वे स्थानकावर काल मंगळवारी दुपारी बारा वाजेच्या सुमारास घडली आहे. ही संपूर्ण थरारक घटना रेल्वे स्थानकावर असलेल्या सीसीटीव्हीमध्ये कैद झाली असून रेल्वे सुरक्षा बलाच्या जवानाचे सर्वत्र कौतुक होत आहे.
मिळालेल्या माहितीनुसार, बिहारमधील महिला तिच्या कुटुंबियांसह मुंबईतील कौपरखैने भागात राहते. महिला तिच्या एक वर्षाच्या मुलाला सोबत घेऊन मुंबादेवीच्या दर्शनाला जात होती. यासाठी ती मानखुर्द रेल्वेस्थानकावर आली आणि मुलगा कड्यावर घेवून सीएसएमटीकडे जाणाऱ्या लोकलमध्ये चढतांना तिचा पाय घसरला आणि प्लॅटफॉर्ममध्ये अडकली. ही घटना रेल्वे स्थानकावर ऑन ड्युटी असलेल्या आरपीएफचे जवान अक्षय सोये यांना दिसली, त्यांनी कुठलीही वेळ न दवडता महिलेला व तिच्या मुलाला बाहेर ओढण्याचा प्रयत्न केला. मात्र, महिला हातात आली नाही म्हणून अक्षय सोये यांनी प्रसंगावधान राखून तिच्या मुलाला पकडले व बाजूला उडी घेतली. तर रेल्वेस्थानकावरच काही अंतरावर रेल्वेसोबत फरफटत जाणाऱ्या महिलेलाही इतर नागरिकांनी बाहेर काढले. महिला व तिचा एक वर्षाचा मुलगा दोघेही सुखरुप आहे.
पहा व्हिडिओ :
“देवानेच तुम्हाला माझ्या मुलाला वाचविण्यासाठी पाठविले होते. तुम्ही देवासारखे धावून आले, तुमचे उपकार मी आयुष्यभर विसरणार नाही”, अशा शब्दात अपघातातून बचावलेल्या महिलेने आरपीएफ जवान अक्षय सोये यांचे आभार मानले. आरपीएफ जवान अक्षय सोये हे मूळचे जळगाव जिल्ह्यातील चोपडा तालुक्यातील पंचक गावचे आहेत. ते रेल्वे सुरक्षा बलात सीआयबी या विभागात कॉन्स्टेबल म्हणून कार्यरत आहेत. त्यांनी दाखवलेले धाडस आणि समयसूचकतेमुळे बाळाचे प्राण वाचले असल्याने त्यांचे सर्वत्र कौतुक होत आहे.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
