निंभोरा प्रतिनिधी परमानंद शेलोडे
रावेर :- तालुक्यातील निंभोरा येथील येथील वाघोदा रोडवर असलेल्या कै.महिपत विठोबा चौधरी विविध कार्यकारी सोसायटीच्या जागेत पोस्ट कार्यालयात अज्ञात चोरट्यांनी सोसायटीच्या कार्यालयाचे व पोस्ट कार्यालयाच्या दरवाजांचे कडीकुलुप तोडून पोस्टाची तिजोरी लंपास केल्याने गावात एकच खळबळ उडाली. त्यात २८हजार ५०० रुपयांची चोरी झाली.
सविस्तर वृत्त असे की,दि.५ रोजी रात्री ११ ते पहाटे ०३वाजेदरम्यान चोरट्यांनी वडगांव ,वाघोदा रस्त्यावरील सोसायटी परिसरात कोणीच नसल्याचा फायदा घेत सोसायटी व पोस्ट कार्यालयाच्या कागद पत्रांची अस्ताव्यस्त करीत तिजोरी फोडण्याचा प्रयत्न केला मात्र ती न फुटल्याने पोस्ट कार्यालयाची चक्क तिजोरीच चोरून नेली.
त्यात २८ हजार ५०० रुपयांचा मुद्देमाल चोरीस गेला. घटनास्थळी आ.शिरीष चौधरी,फैजपूर पोलीस उपविभागीय अधिकारी कुणाल सोनवणे, फैजपूर ए.पी.आय आखेगावकर व निंभोरा पोलिस ठाण्याचे पी.एस.आय. काशिनाथ कोळंबे, ए .एस. आय. राका पाटील,पो. कॉ .विकास कोल्हे, प्रल्हाद बोंडे,सुनील कोंडे,विकास सोसायटीचे चेअरमन सुधीर मोरे,नितीन पाटील यांनी भेट देत पाहणी केली.
श्वान पथक व ठसे तज्ञांद्वारे तपासणी – दरम्यान या प्रकरणी जलगावहून श्वानपथक व ठसे तज्ञांना बोलावून तपासणी करण्यात आली.यावेळी आ शिरीष चौधरी यांनी भेट देत पाहणी करून या पोस्ट कार्यालयात कॅमेरे बसविण्याची सूचना करीत पोलिसांशी घटनेबाबत चर्चा केली.दरम्यान या पोस्ट ऑफिसमध्ये ही तिसऱ्यांदा चोरी झाल्याने या कार्यालयात सीसीटीव्ही कॅमेरे लावण्याची मागणी ग्रामस्थांनी केली आहे.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
