घटस्फोटाचे प्रकरण न्यायालयात असतानाच खेमराजने दुसऱ्या लग्नाची तयारी केली. पहिल्या पत्नीसोबत घटस्फोट होण्याआधीच खेमराजने ठाणे जिल्ह्यातील कल्याण येथे दुसरा विवाह ठरवला.
दुसऱ्या लग्नाच्या प्रयत्नात असलेल्या पतीविरोधात कोळसेवाडी पोलिसात गुन्हा दाखल करण्यात आला आहे.

ठाणे :  घरी पत्नी आणि मुलगा असताना दुसऱ्या लग्नाचा डाव रचला जात असतानाच पहिली पत्नी थेट लग्नमंडपात धडकली. यानंतर नवरदेवासह लग्नासाठी आलेल्या पाहुण्यांची एकच तारांबळ उडाली. भंडारा जिल्ह्याच्या लाखांदूर तालुक्यातील मासळ येथील तरुणाचा हा पराक्रम ठाणे जिल्ह्यातील कल्याण येथे उघडकीस आला आहे. याप्रकरणी पतीविरुद्ध गुन्हा दाखल केला आहे. खेमराज बाबुराव मुल असे गुन्हा दाखल करण्यात आलेल्या पतीचे नाव आहे. आरोपी खेमराज विरोधात कल्याणमधील कोळसेवाडी पोलीस ठाण्यात कलम 494, 511, 506 अन्वये गुन्हा दाखल केला आहे.

15 वर्षांपूर्वी झाला होता पहिला विवाह
खेमराज मुल हा मूळचा भंडारा जिल्ह्यातील लाखांदूर तालुक्यातील मासळ गावातील रहिवासी आहे. खेमराज हा पेंटचा व्यवसाय करतो. खेमराजचा 15 वर्षांपूर्वी गावातीलच मुलीसोबत प्रेमविवाह झाले होते.
दोघांमध्ये पटत नसल्याने पतीने घटस्फोटाची केस दाखल केली लग्नानंतर काही दिवस दोघांचे नाते सुरळीत चालले होते. या दोघांना एक मुलगाही आहे. काही दिवसांनी दोघांमध्ये खटके उडू लागले. दोघांमध्ये सतत भांडण होऊ लागल्याने पतीने पत्नीविरोधात न्यायालयात घटस्फोटाची केस दाखल केली.

घटस्फोट मिळण्याआधीच दुसरा विवाह करण्याच्या तयारीत होता
हे प्रकरण न्यायालयात असतानाच खेमराजने दुसऱ्या लग्नाची तयारी केली. पहिल्या पत्नीसोबत घटस्फोट होण्याआधीच खेमराजने ठाणे जिल्ह्यातील कल्याण येथे दुसरा विवाह ठरवला. ठरल्याप्रमाणे विवाहाचा दिवस आला. सर्व पाहुणेमंडळी विवाहासाठी लग्नमंडपात हजर झाले.
पहिल्या पत्नीला या विवाहाची माहिती मिळाली अन्…
पत्नीला हा प्रकार कळल्यानंतर तिने लग्नाची तारीख माहीत करून घेत पतीचा डाव उधळण्यासाठी ऐन लग्नात मुलगा, भाऊ आणि बहिणीसह कल्याण (पूर्व) येथील दर्शन मॅरेज हॉलमध्ये धडकली.
वर-वधू लग्नबंधनात अडकण्यासाठी सज्ज असताना पहिल्या पत्नीने पोलिसांच्या मदतीने लग्नाचा डाव उधळला. यानंतर दुसरे लग्न करणाऱ्या पतीला थेट पोलिसांच्या ताब्यात दिले. पोलिसांनी खेमराज मुल याला ताब्यात घेत त्याच्याविरुद्ध कोळसेवाडी पोलिस ठाण्यात गुन्हा दाखल केला आहे.

हे पण वाचा

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.