नागपूर : सध्या देशात रेल्वे अपघाताच्या घटना काही केल्या कमी होत नाहीये अश्यातच कानात हेडफोन लावून रेल्वे रुळ ओलांडणे एका तरुणीला चांगलेच महागात पडले आहे. कानात हेडफोन असल्याने ट्रेनचा आवाज तरुणीला ऐकू आला नाही. यामुळे तरुणी रेल्वेखाली चिरडली गेल्याची घटना नागपूरमध्ये घडली. आज सकाळी 10 वाजण्याच्या सुमारास डोंगरगाव रेल्वे क्रॉसिंगजवळ घडली. आरती मदन गुरव असे मयत तरुणीचे नाव आहे. घटनेची माहिती मिळताच सहाय्यक पोलीस निरीक्षक वाघ पथकासह दाखल झाले. घटनास्थळी पंचनामा करून शव उत्तरीय तपासणीसाठी हिंगणा ग्रामीण रुग्णालयात पाठवला. या प्रकरणी हिंगणा पोलिसांनी आकस्मिक मृत्यूची नोंद केली आहे. घटनेचा पुढील तपास ठाणेदार विशाल काळे यांच्या मार्गदर्शनाखाली सुरू आहे.
मूळची भंडारा जिल्ह्यातील निवासी आहे तरुणी.
मयत विद्यार्थिनी आरती गुरव ही मूळची भंडारा जिल्ह्यातील सातोना या गावची निवासी आहे. हिंगणा तालुक्यातील टाकळघाट येथे मावशीकडे ती वास्तव्याला होती. आरती गुरव डोंगरगाव जवळील वैनगंगा अभियांत्रिकी महाविद्यालयात बीई प्रथम वर्षाला शिक्षण घेत होती.
कानात हेडफोन घालून रेल्वे रुळ ओलांडत होती.
आज सकाळी टाकळघाटवरून गुमगाव रेल्वे स्थानकाजवळ एसटीने आली. यानंतर पायदळ रेल्वे स्थानकावर रेल्वे फाटक ओलांडून जात होती. यावेळी आरती मोबाईलवर हेडफोन लावून बोलत चालली होती.
याचदरम्यान त्या ट्रॅकवर भरधाव वेगात ट्रेन येत होती. आजूबाजूच्या लोकांनी तिला मोठमोठ्याने आवाज दिला. मात्र हेडफोन कानात असल्याने तिला कुठलाही आवाज आला नाही.
ट्रेनने 50 फूट फरफरट नेले :
भरधाव आलेल्या पुणे-नागपूर रेल्वेखाली चिरडून तिचा मृत्यू झाला. इतकेच नाही रेल्वेने तिला 50 फूट पर्यंत फरफटत नेले. घटनास्थळी बघ्याची गर्दी मोठ्या प्रमाणात झाली. हिंगणा पोलिसांना अपघाताची माहिती देण्यात आली.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
