सध्या देशात रेल्वे अपघाताच्या घटना काही केल्या कमी होत नाहीये अश्यातच अति घाई संकटात नेई, अश्या प्रकारचे फलक बऱ्याच ठिकाणी वाचायला मिळतात. आपल्याला अनेक वेळा सांगितलं जातं की धावती ट्रेन पकडू नका, पण लोकांना कितीही सांगितलं तरी ते काही ऐकतं नाही. लोकं लवकर पोहोचण्यासाठी जीवाची परवा न करता धावती ट्रेन पकडतात. अशातच धावती ट्रेन पकडतानाचा एक व्हिडीओ सध्या सोशल मीडियावर व्हायरल होतो आहे.
हा व्हिडीओ जालना रेल्वे स्थानकावरील आहे. त्यात धावत्या रेल्वेत बसण्याचा प्रवाशाचा प्रयत्न फसला आणि ताे रेल्वेच्या रुळावर पडणार ताेच त्याला आरपीएफचे जवानाने जीवाची पर्वा न करता वाचवले. या घटनेबाबतची अधिक माहिती अशी – शुक्रवारी जालना रेल्वे स्थानकावर पुणे-नांदेड एक्सप्रेस निर्धारित वेळेत आली. जालना स्थानकावरुन नांदेडसाठी रेल्वे रवाना हाेताना एका प्रवाशाने चालत्या रेल्वेत बसण्याचा प्रयत्न केला. त्याचा हा प्रयत्न फसला. प्रवाशाचा तोल गेल्याने तो रेल्वे आणि प्लॅटफॉर्मच्या मध्ये अडकला.
पहा व्हिडिओ :
ही बाब या ठिकाणी कर्तव्य बजावत असणाऱ्या आरपीएफचे जवान आसाराम झुंजरे यांच्या लक्षात आली. त्यांनी तडक प्रवाशाकडे धाव घेतली. दुस-या बाजूने झुंजरे यांच्या मदतीला एक प्रवासी धावून आला. दाेघांनी जीवाची पर्वा न करता रेल्वेखाली जाणार्या प्रवाशाला ओढून बाहेर काढले. या घटनेचा संपूर्ण थरार हा सीसीटीव्हीत कैद झाला आहे.
या घटनेनंतर रेल्वे स्थानकावर उपस्थित प्रवाशांनी जवान झुंजरे आणि प्रवाशाचे अभिनंदन केले. या घटनेबद्दल साम टीव्हीशी बाेलताना झुंजरे म्हणाले पुणे ते नांदेड ही एक्सप्रेस सकाळी पावणे आठ वाजता जालना रेल्वे (railway) स्थानकात आली. पाच मिनिटांचा कालावधी झाल्यानंतर रेल्वे नांदेडला रवाना हाेत हाेती.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
