मुंबई (गुरुदत्त वाकदेकर) : तीन सामन्यांच्या टी२० मालिकेतील दुसऱ्या सामन्यात भारताने न्यूझीलंडवर ६ विकेट्स राखून विजय मिळवत मालिकेत १-१ अशी बरोबरी साधली. विजयासाठीचे शंभर धावांचे लक्ष्य भारताने १९.५ षटकांत ४ बाद १०१ धावा करीत साध्य केले. विजयासाठी निर्धारित लक्ष्याचा पाठलाग करताना शुभमन गिल (९ चेंडूंत ११) चौथ्या षटकात बाद झाला. त्यानंतर इशान किशन (३२ चेंडूंत १९) धावबाद झाला. अकराव्या षटकात ईश सोधीने राहुल त्रिपाठीला (१८ चेंडूंत १३) झेलबाद केले. १०.४ षटकांत भारताची अवस्था ३ बाद ५० अशी झाली. वॉशिंग्टन सुंदर (९ चेंडूंत १०) धावबाद झाला. ७० धावांत चार फलंदाज गारद झाल्यानंतर सूर्यकुमार यादव (३१ चेंडूंत नाबाद २६) आणि कर्णधार हार्दिक पंड्या (२० चेंडूंत नाबाद १५) यांनी भारताचा विजय साकार केला.
पण खरंतर भारतीय संघानेच विजय कमालीचा अवघड बनवला.त्याआधी, न्यूझीलंडचा कर्णधार मिचेल सँटनरने नाणेफेक जिंकून प्रथम फलंदाजी करण्याचा निर्णय घेतला. सलामीवीर फिन ॲलन आणि डेव्हॉन कॉन्वे धडाकेबाज सुरुवात करणार, असे वाटत असतानाच अॅलन (१० चेंडूंत ११) तिसऱ्या षटकातील तिसऱ्या चेंडूवर युझवेंद्र चहलच्या गोलंदाजीवर त्रिफळाचीत झाला. विशिष्ट अंतराने फलंदाज बाद होत राहिले.
न्यूझीलंडला निर्धारित २० षटकांत ८ बाद ९९ धावांपर्यंतच मजल मारता आली. न्यूझीलंडने संघात कोणताही बदल केला नाही. भारतीय संघाने उमरान मलिकच्या जागी युझवेंद्र चहलला संधी दिली.सूर्यकुमार यादवला (३१ चेंडूंत नाबाद २६) सामनावीर पुरस्काराने गौरविण्यात आले. मालिकेतला तिसरा आणि शेवटचा सामना १ फेब्रुवारी रोजी अहमदाबाद येथे होणार आहे. भारत ह्या सामन्यासह मालिका जिंकणार का ह्याचे उत्तरही मिळणार आहे.
हे पण वाचा
- माता तू वैरीण!अविवाहित महिलेचे प्रियकरासोबत शारीरिक संबंध दोनवेळा प्रेग्नंट, जन्मताच रडत्या बाळांना संपवलं… प्रियकर स्वतः गेला पोलिसात.
- राज्याचे कॅबिनेट मंत्री ना.गिरीष महाजन यांचा शिक्षक समन्वय संघ जळगाव,च्या वतीने आभार पर सत्कार.
- रस्त्याने जाणाऱ्या महिलेला भररस्त्यात गाठून माझ्यासोबत शारीरिक संबंध ठेव नाही तर ठार मारेन; धमकी देणाऱ्या आरोपीला 24 तासाच्या आत अटक.
- निवासी शाळेतून मुलीचा शाळेचा दाखला काढण्यासाठी गेलेल्या पालकाला संस्थाचालक व त्यांच्या पत्नीने केलेल्या मारहाणीत मृत्यू.
- अल्पवयीन मुलीशी केली मैत्री,फूस लावून बसविले एक्स्प्रेसमध्ये अन् धावत्या रेल्वेत टॉयलेटमध्ये नेऊन नराधमाने केला लैंगिक अत्याचार.
