रामकृष्ण पाटील प्रतिनिधी l विखरण
एरंडोल – आज दि.01/02/2023 रोजी एरंडोल तालुक्यातील एरंडोल ग्रामीण कक्षातील विखरण या गावात वीज चोरी पकडण्याची धडक मोहीम राबवण्यात आली. या मोहिमेमध्ये 3 रोहित्रावरील भागातील एकूण 152 घरगुती वीज कनेक्शन चेक करण्यात आले. या मध्ये 32 मीटर मध्ये वीजचोरी असल्याचे प्रथमदर्शनी आढळून आले व ते मीटर टेस्टिंग साठी ताब्यात घेण्यात आले आहे. बर्याच ठिकाणी इलेक्टीक शेगडी चा अनाधिकृत वीजवापर आढळून आला.. तसेच 13 वीज कनेक्शन मध्ये मिटरला येणाऱ्या सर्व्हिस वायरला टॅपिंग द्वारा वीज चोरी होत असल्याचे निदर्शनास आले.
अशा एकूण 45 वीजचोरी उघडकीस आणल्या. जप्त करण्यात आलेल्या मिटरची मिटर टेस्टिंग युनिट येथे तपासणी करून वीज चोरीचे देयक सदर ग्राहकांना अदा करण्यात येतील व सदर वीज बिल न भरल्यास त्या ग्राहकांवर तत्काळ वीज चोरीचा गुन्हा दाखल करण्यात येणार आहे.. सदर कारवाईमुळे परिसरातील वीजचोरामध्ये प्रचंड घबराट निर्माण झाली.
सदर मोहीम मा. कार्यकारी अभियंता धरणगाव श्री. पवार साहेब यांच्या मार्गदर्शना खाली एरंडोल उपविभागाचे उपकार्यकारी अभियंता श्री प्रशांत इंगळे यांच्या नेतृत्वात एरंडोल ग्रामीण कक्षाचे सहाय्यक अभियंता कु लक्ष्मी माने, स. अ.श्री. प्रशांत महाजन, श्री. राहुल पाटील, श्री युवराज तायडे व श्री इच्छानंद पाटील यांच्यासह एरंडोल उपविभागा तील सर्व जनमित्रांनी सहभाग घेवून मोहिम यशस्वीपणे पार पाडली…
हे पण वाचा
- न्यू इंग्लिश मीडियम स्कूल ची आषाढी वारी एरंडोल शहरात संपन्न
- भडगावमध्ये मोहरम उत्सव उत्साहात संपन्न.!!!सामाजिक ऐक्याचे सुंदर चित्र.
- एरंडोल शहरातील भटक्या व पिसाळलेल्या कुत्र्यांच्या तत्काळ बंदोबस्तासाठी दिले निवेदन.
- एरंडोल येथील गांधीपुरा भागात वृद्ध महिलेचे हातपाय बांधून चाळीस हजार रुपयांची लुट.
- अंजनी नदीचे अस्तित्व धोक्यात,प्रशासनाचे स्वच्छतेकडे दुर्लक्ष; नदीला आले गटारगंगेचे स्वरूप, सार्वजनिक शौचालय व स्वच्छतागृहाचे दुर्गंधीयुक्त सांडपाणी पालिकेने सोडले नदीत.
