नंदुरबार :- येथे धक्कादायक घटना घडली असून प्रेमप्रकरणातून एकाला जीवे मारण्यात आल्याची घटना समोर आली आहे.घटनेने परिसरात खळबळ उडाली असून जमाव देखील संतप्त झाला आहे. परिणामी नंदुरबार पोलिसांनी घटनास्थळी तगडा बंदोबस्त तैनात केला आहे. नंदुरबारशहरातील मच्छी बाजार परिसरात काल सायंकाळच्या सुमारास अरबाज खाटीक याच्यावर धारदार शस्त्राने हल्ला करत ठार केल्याची घटना घडली. या प्रकरणी संशयित जयेश गंगावने यास पोलिसांनी ताब्यात घेतले असून परिसरात घटनेने खळबळ उडाली आहे. आंतरधर्मीय प्रेमविवाहातून तरुणाची हत्या केल्याचे समजते आहे.
नंदुरबार शहरातील अतिशय वर्दळीचा समजल्या जाणाऱ्या मच्छी बाजार परिसरालगत काल संध्याकाळी सात वाजण्याच्या सुमारास घटना घडली आहे. बहिणीला पळवून नेत विवाह केल्याच्या रागातून मुलीच्या भावाने तिच्या पतीची हत्या केली आहे. नंदुरबार शहरात राहणाऱ्या अरबाज याने परिसरातीलच एका मुलीशी दोन वर्षांपूर्वी प्रेमविवाह केला होता. त्याचा राग मनात धरून मुलीच्या भावाने सदर हत्या केल्याचे सांगण्यात येत आहे. घटना घडल्यानंतर परिसरात तणाव निर्माण होऊन जमाव संतप्त झाला होता. यामुळे परिस्थितीचे गांभीर्य लक्षात घेत पोलीस अधिक्षक पी.आर.पाटील, अपर पोलीस अधिक्षक निलेश तांबे, उपविभागीय पोलीस अधिकारी सचिन हिरे यांच्यासह पथकाने घटनास्थळी धाव घेत जमावाला शांततेचे आवाहन केले.
नंदुरबार शहरातील मच्छी बाजार परिसरात काल संध्याकाळच्या सुमारास जुन्या वादातून एकाने धारदार शस्त्राने तरुणावर हल्ला केला. या हल्ल्यात जखमी तरुणाचा जागीच मृत्यू झाला. या गंभीर घटनेनंतर प्रकारांत संशयित हा स्वतः पोलीस स्टेशनमध्ये हजर झाला. मात्र खुनाच्या घटनेने परिसरात तणावाचे वातावरण निर्माण झाल्याचे पाहायला मिळाले. घटनेची माहिती पोलिसांनीघटनास्थळी तात्काळ धाव घेत जमावाला शांततेचे आवाहन करत परिस्थितीवर नियंत्रण मिळविले. घटनास्थळी जिल्हा पोलीस अधिक्षकांसह सर्व पोलीस दलाने शांततेचे आवाहन केल्याचे पहावयास मिळाले. खबरदारीचा उपाय म्हणून नंदुरबारमध्ये आज अतिरीक्त कुमकसह मोठा पोलीस फौजफाटा तैनात करण्यात आला आहे.
हे पण वाचा
- Viral Video: दोन महिला शिक्षिकांमध्ये आधी वाद मग एकमेकांचे कपडे फाडत, झिंज्या उपटत शाळेतल्या मुलांसमोर फ्री स्टाईल हाणामारी, पहा व्हिडिओ.
- खळबळजनक! आधी दोन्ही अल्पवयीन मुलांची हत्या करून आई-वडिलांनी संपविली जीवन यात्रा, मृत्यूआधीचं पत्र वाचून तुमचेही डोळे पाणावतील.
- औरंगजेबाची कबर हटविण्यासाठी हिंदुत्ववादी संघटना आक्रमक, एरंडोल प्रांताधिका-यांना दिले निवेदन.
- महिलेच्या पर्समधील ७ लाख ८० रुपये किमतीचे सोने चोरणाऱ्या दोघं महिलाना अमळनेर पोलिसांनी केली अटक.
- धुमधडाक्यात आली वरात, डी जे वाजवण्यावरून झाला वाद, लग्नाचा आनंद क्षणात दुःखाच्या सागरात बुडाला, लग्नात असं काय घडलं?
