चोपडा : – जळगाव जिल्ह्यातील चोपडा तालुक्यातील राहुल एम्पोरियम या कापड मध्यरात्री शॉर्टसर्कीटमुळे भीषण आग लागल्याची धक्कादायक घटना घडली. शहरातील मुख्य बाजारपेठेतील राहुल एम्पोरियम या कापड दुकानाच्या दुसऱ्या व तिसऱ्या मजल्यावर मध्यरात्री शॉर्टसर्कीटमुळे भीषण आग लागली. या आगीमध्ये एकाचा होरपळून मृत्यू झाला आहे तर ६ जणांना या भीषण आगीतून सुखरूप बाहेर काढण्यात यश आले आहे. गौरव सुरेश राखेचा (वय ३०) या तरुणाचा गुदमरूमन मृत्यू झाला. तर या भीषण अग्नीतांडवात घरातील तसेच दुकानातील लाखोंचा ऐवज जाळून खाक झालाय. तब्बल साडे चार तासांनी ही आग आटोक्यात आली.
चोपडा शहरातील मुख्य बाजारपेठेत राहुल एम्पोरियम या कापड दुकानाची तीन मजली इमारत असून या इमारतीत राखेचा कुटूंबिय वास्तव्यास आहे. पहिल्या मजल्यावर त्यांचे राहुल एम्पोरियम हे कापड दुकान असून वरच्या दोन मजल्यामध्ये ते राहतात. कापड दुकानास मध्यरात्रीच्या सुमारास शॉर्टसर्कीटमुळे भीषण आग लागली. काही क्षणातच या आगीने रौद्ररुप धारण केले. वर तिनही मजले या भीषण आगीच्या लपेट्यात सापडले. आग लागल्याचे घरात झोपलेल्या लोकांना कळाले नाही. आग तिसऱ्या व दुसऱ्या मजल्यावर आल्यानंतर प्रचंड खळबळ उडाली.
पहा व्हिडिओ :
या आगीतून घरात असलेले सुरेश राखेचा व कविता राखेचा यांना घरातून निघण्यात यश आले. यात कविता राखेचा या जखमी झाल्या आहेत. परंतु वरच्या मजल्यावर गौरव राखेचा आणि त्यांची पत्नी मोना राखेचा, संकेत राखेचा, शुभम राखेचा व लहान बाळ गौरव असे चारही रूममध्ये अडकून होते. नगरपालिकेचे कर्मचारी व स्थानिक लोकांनी सर्वात अगोदर शुभम राखेचा यांना बाहेर काढण्यात यश मिळवले. त्यानंतर संकेत राखेचा, मोना राखेचा व लहान बाळ यांना चोपडा अग्निशमन दलातील कर्मचारी दीपक बडगुजर यांनी सुखरूप बाहेर काढले. यात त्यांचा हात भाजला.
यादरम्यान संकेत वरती अडकून आहे. या विचाराने गौरव राखेचा आपल्या पत्नीला सोडून परत वरती गेला. पण तोपर्यंत आगीने रौद्ररूप धारण केले होते. भेदरलेला गौरव तिसऱ्या मजल्यावर बाथरूममध्ये लपून बसला. यावेळी गल्लीबोळातील नागरिकांनी अथक परिश्रम करून सर्वांना सुखरूप काढण्यासाठी प्रयत्न केले. परंतु आग मोठ्या प्रमाणात असल्यामुळे गौरवचा बाथरूममध्ये गुदमरून मृत्यू झाला.
आग लागल्याचे समजताच शहर पोलीस स्थानकाचे पोलीस अधिकारी व कर्मचारी तात्काळ त्याठिकाणी दाखल झाले. शहर पोलीस स्टेशनचे प्रभारी अजित सावळे, जितेंद्र सोनवणे, मधुकर पवार, नितिन कापडणे, शुभम पाटील, हेमंत कोळी, हर्षल पाटील आदिंसह इतर पोलीस कर्मचारी यांनी तातडीने बचावकार्य केले. त्याबरोबरच चोपडा नगरपरिषद अग्निशमन दलासह यावल, धरणगाव, पारोळा, शिरपूर, अमळनेर व जळगाव येथील दलांनी आग विझविण्यासाठी महत्वाची भूमिका बजावली.
यावेळी चोपडा शहर पोलीसांच्या सतर्कतेमुळे मोठा अनर्थ टळला. शहरवासियांनी सुद्धा यावेळी धाव घेत बचावकार्यात मदत केली. शिवसेना तालुकाप्रमुख राजेंद्र पाटील, प्रविण जैन, पत्रकार लतीष जैन, सचिन सोनवणे, चेतन कानडे, सौरभ नेवे, अमर बोहरा, शिवा पाटील आदिंसह इतर शहरवासियांनी बचावकार्यात मदत केली.
चोपडा अग्निशमन दलाच्या गाड्यांना प्रेशर नसल्यामुळे तिसऱ्या मजल्यापर्यंत पाणी पोहचत नसल्याने आग नियंत्रणात आणण्यास उशीर झाल्याचे स्थानिक नागरिकांमध्ये चर्चा आहे .चोपडा अग्निशमन दलाकडून आग आटोक्यात येत नसल्याचे दिसताच पोलीसांनी वायरलेस यंत्रणेद्वारे कळवून यावल, धरणगाव, पारोळा, शिरपूर, अमळनेर व जळगाव येथून अग्निशमन दलाच्या गाड्या मागवल्या होत्या.
हे वाचलंत का ?
- Viral Video:परमेश्वरा अशी सून नको रे बाबा! आजारग्रत सासू अन् सासऱ्याला डॉक्टर सूनेची अमानुषपणे मारहाण पाहुन व्हिडिओ तुम्हीपण अवाक् व्हाल.
- पत्नीने प्रियकराला बोलावले घरी, अचानक पती आला घरी त्याने पत्नीस प्रियकरा सोबत नको त्या अवस्थेत पाहून पतीच्या संयम सुटला अन्……
- सैनिक एन्क्लेव्ह मधील एका रूममध्ये आठ मुली, बाहेर मुलांची तोबा गर्दी, पोलिसांना आला संशय अचानक टाकला छापा,अन् त्यांना धक्का बसला….
- जळगाव तालुक्यात भरदिवसा माजी उपसरपंचावर चाकू आणि चॉपरने वार करून केली निघृण हत्या.घरच्यांचा आक्रोश.
- नातवाने पत्नीची हत्या करून स्वत:ही संपविले जीवन; ज्या नातूसअंगाखांद्यावर खेळवल तो डोळ्यासमोर गेल्याने आजोबांनी पेटत्या चितेत उडी मारून दिला जीव.
