प्रतिनिधी | अमळनेर
येथून जवळच असलेल्या निम येथील माहेर असलेल्या विवाहितेने धुळेच्या सासरच्या मंडळींविरुद्ध छळ केल्याची तक्रार दिल्याने सहा जणांविरुद्ध शारीरिक व मानसिक छळ करून जिवेमारण्याची धमकी देत हुंडाबळीचा गुन्हा दाखल केला आहे याबाबत अधिक माहिती अशी की, निम येथील पूजा हीचा विवाह धुळे येथील शिवम याच्यासोबत झाला होता.
लग्नाच्या तीन महिन्यानंतर सासरच्या मंडळींनी हुंडा कमी दिला, मानपान केला नाही म्हणून छळ सुरू केला. तसेच घराचे कर्ज फेडण्यासाठी माहेरून पाच लाख रुपये घेवून ये असा तगादा लावला. त्यानतंर पतीने २७ ऑगस्ट २२ रोजी विवाहितेला माहेरी निम येथे आणून सोडले.
महिला सहायता कक्ष, जळगाव यांच्यामार्फत वाद मिटत नसल्याने विवाहितेने मारवड पोलीसात पती शिवम पाटील, सासरा नंदकिशोर पाटील, सासू बन्सुबाई पाटील, दिर मनीष पाटील, मामसासरे संभाजी पवार, मावससासू सुपाबाई पाटील यांच्याविरुद्ध तक्रार दिली आहे. त्यावरून मारवड पोलीसात भा. द. वि. कलम ४९८ अ, ३२३, ५०४, ५०६, ३४ अन्वये गुन्ह्याची नोंद करण्यात आली आहे. पुढील तपास हवालदार मुकेश साळुंखे हे करीत आहेत.
हे पण वाचा
- एरंडोल येथे खोट्या कारवाईचा बनाव करून चहा विक्रेत्याकडून १० हजारांची खंडणी; आ.अमोलदादा पाटील यांचे चार तास पोलीस ठाण्यात ठिय्या आंदोलन
- प्रत्येक बी.एल.ए.ने घराघरात जाऊन मतदारांची अचूक पडताळणी करा – आमदार मा.ॲड.अमोलदादा पाटील.
- एरंडोलला शिवसेनेने दिग्गजांना दिली पक्षीय जबाबदारी…
- एरंडोल येथे भारतरत्न डॉ.बाबासाहेब आंबेडकर जयंती उत्साहात साजरी.
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
