Surprising Health Benefits Of Coriander Seeds You Should Know धणे आपल्या घरात असतातच, त्यांचा आहारात योग्य वापर आरोग्यासाठी अतिशय गुणकारी ठरतो.
भारतीय मसाले फक्त पदार्थाची चव वाढवत नाही तर त्यातील औषधी गुणधर्मांमुळे शरीरासाठी उपकारक ठरतात. याच मसालांपैकी एक म्हणजे धणे. रोगप्रतिकारशक्ती वाढवण्यासाठी उपयुक्त. त्यात असलेले अँटीऑक्सिडंट्स शरीरातील फ्री रॅडिकल्स कमी करण्यास मदत करतात. अनेक आजारांवर रामबाण उपाय म्हणून धणे कार्य करते. यासंदर्भात, आयुर्वेद डॉक्टर दीक्षा भावसर सांगतात, ”ॲसिडिटी, मायग्रेन, डोकेदुखी, रक्तस्त्राव, थायरॉईड, मधुमेह, कोलेस्ट्रॉल, फॅटी-लिव्हर, लठ्ठपणा, अपचन यांसारखे आजार असतील तर आहारात धणे हवेच. त्यानं त्रास कमी होतो. हार्मोनल असंतुलन असेल तर धणे आहारात हवेच”
डॉक्टरांच्या मते, धणे आयुर्वेदिक डिटॉक्स म्हणून काम करते. त्यामुळे आहारात धणे हवेतच. ते कसे वापरायचे याच्याच काही टिप्स.
फॅटी लिव्हर-मधुमेह रुग्णांसाठी धण्याचा चहा :
फॅटी-लिव्हर, मधुमेह आणि पचनाच्या समस्यांपासून त्रस्त असाल तर, धण्याचा तयार चहा प्या. या चहामुळे शरीराला अनेक फायदे मिळतात. यासाठी धणे – जिरे व बडीशेप घालून चहा करा. हा चहा पचनक्रिया शुद्धीकरण करण्याचे काम करते. हा चहा फॅटी लिव्हर व मधुमेह असलेल्या रुग्णांसाठी प्रभावशाली आहे.
थायरॉईडच्या रुग्णांसाठी फायदेशीर :
थायरॉईड कमी करण्यासाठी, १ चमचा धणे पाण्यात रात्रभर भिजत ठेवा. सकाळी हे पाणी उकळवत ठेवा, यानंतर गाळून हे पाणी प्या. या पेयाचे सेवन केल्याने चयापचय वाढण्यास मदत होते. यात आपण कडीपत्ता किंवा कोरड्या गुलाबाच्या पाकळ्या घालून उकळवू शकता.
जर तुम्ही थायरॉईडचे रुग्ण असाल तर, गोळी घेतल्यानंतर १ तासानंतरच धण्याचे पाणी प्या. टॅब्लेट घेतल्यानंतर एक तास साध्या पाण्याशिवाय इतर काहीही पिणे/खाणे टाळणे चांगले.
अॅसिडिटीसाठी धणे उत्तम
ॲसिडिटी आणि जळजळ यासारख्या समस्यांपासून आराम मिळवण्यासाठी, २५ ग्राम धणे बारीक वाटून घ्या. एका भांड्यात पाणी घेऊन ते रात्रभर किंवा ८ तास झाकून ठेवा. दुसऱ्या दिवशी सकाळी ते गाळून घ्या आणि त्यात थोडी साखर मिसळून रिकाम्या पोटी सेवन करा.
हे वाचलंत का ?
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
