सातारा:- डान्सर गौतमी पाटील ही सध्या चर्चेत आली आहे. तिच्या कार्यक्रमाला होणारी मोठी गर्दी असो की, त्यामधील वाद यात काही नाविन्य राहिले नाही.गौतमी पाटीलचा प्रत्येक कार्यक्रम कोणत्या ना कोणत्या कारणामुळे गाजतो. असाच काहीसा प्रकार साताऱ्यातील एका कार्यक्रमात घडला होता. एका कार्यक्रमात तीचा एक व्हिडीओ व्हायरल झाला होता. त्यामुळे ती जोरदार चर्चेत आली होती. काही दिवसांपूर्वी पाच वर्षाच्या मुलाच्या वाढदिवसाच्या निमित्ताने त्याच्या वडिलांनी गौतमीचा कार्यक्रम ठेवला होता. पण आता ती पुन्हा चर्चेत आली आहे.
कारण ऐकून तुम्हीही आश्चर्यचकीत व्हाल. एका पैलवानाने चक्क त्याच्या बैलाचा वाढदिवसाच्या निमित्ताने गौतमीचा डान्स ठेवला. म्हणतात ना की हौसेला मोल नसते. साताऱ्यात बैलगाडा मालक आणि पैलवान असलेल्या सतीश भोसले यांनी त्यांच्या बैलाच्या वाढदिवसाला गौतमीच्या कार्यक्रमाचे आयोजन केले. साताऱ्यातील खर्शी तालुक्यातील जावली या गावात हा कार्यक्रम आयोजित करण्यात आला आहे. याच निमित्ताने पुन्हा एकदा सातारकरांना पुन्हा एकदा गौतमीचा (gautami patil) जलवा बघायला मिळणार. अशातच सातारा जिल्ह्यातील जावली तालुक्यातील खर्शी येथील एका पैलवानाने बैलाच्या वाढदिवसाला गौतमीचा कार्यक्रम आयोजित केला आहे.
कार्यक्रमाला तुफान गर्दी होण्याची शक्यता आहे.पैलवान सतीश भोसले यांचा बैल हा महाराष्ट्र चॅम्पियन आहे. त्यांच्यासाठी त्यांचा बैल खुप खास आहे. त्यामुळे त्याच्या वाढदिवसाच्या दिवशी खैत्री खास करायचे म्हणून त्यांनी गौतमीचा डान्स ठेवायचा अस ठरवल.गौतमी ही तिच्या अश्लील डान्समुळे तिच्यावर प्रचंड टीका करण्यात आली. तिच्या कार्यक्रमांवर बंदी देखील घालन्याची मागणी करण्यात आली. तसेच तिचा कपडे बदलतानाचा एक व्हिडीओ व्हायरल झाला होता. यावरही काही नेटकऱ्यांनी तिने जाणीवपूर्वक असे केले असेल अशी टीका केली तर काहींनी जे झाले ते चुकीचे आहे यावर तिला न्याय मिळाला पाहिजे असे म्हणत तिला पाठींबा देखील दिला. (dancer-gautami-patil-dance-organize-bulls-birthday)
कोण आहे गौतमी पाटील?
गौतमी मूळची धुळे जिल्ह्यातील सिंदखेडा येथील आहे. १० वी पर्यंत शिक्षण घेऊन तिने आवड म्हणून डान्स शिकायला सुरुवात केली. गौतमीने पहिल्यांदा अकलूज येथील लावणी महोत्सवात बॅक आर्टिस्ट म्हणून गौतमीने सादरीकरण केले. पहिल्यांदा लावणी केल्यावर गौतमीला ५०० रुपये मानधन मिळाले होते. गौतमी सोशल मीडियावरदेखील सक्रीय असते. तिचे रिल्स कायम चर्चेत असतात.
मराठी चित्रपटात झळकणार
काही दिवसांपूर्वी गौतमीला चित्रपटाची ऑफर देण्यात आली आहे. ‘घुंगरु’ असे तिच्या आगामी चित्रपटाचे नाव आहे. “माझा घुंगरु नावाचा चित्रपट लवकरच प्रेक्षकांच्या भेटीला येणार आहे. या चित्रपटात माझी भूमिका नेमकी काय हे मी आता सांगणार नाही. तुम्ही स्वत: चित्रपटगृहात या आणि तो पाहा. या चित्रपटातून आम्ही कलाकार आणि लोककलावंत यांची व्यथा मांडण्याचा प्रयत्न करत आहोत. सध्या चित्रपटाचे शूटींग सुरु आहे. ते पूर्ण झाल्यानंतरच या चित्रपटाच्या प्रदर्शनाची तारीख जाहीर करण्यात येईल. पण हा चित्रपट नक्की पाहावा” असेही आवाहन तिने केले आहे.
हे देखील वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
