ग्वाल्हेर: मध्य प्रदेशातील ग्वाल्हेरमध्ये एक अनोखं प्रकरण समोर आलं आहे. इथे जमिनीची नव्हे तर नवऱ्याची विभागणी झाली आहे. हे विचित्र वाटेल, परंतु प्रकरणच असं आहे. ग्वाल्हेरच्या कौटुंबिक न्यायालयात पती तीन-तीन दिवस दोघींसोबत राहणार असा करार दोन पत्नी आणि पतीमध्ये झाला आहे.रविवारी पतीला सुट्टी असेल. म्हणजे त्याला जे वाटेल ते तो रविवारी करू शकणार आहे. ग्वाल्हेरच्या कौटुंबिक न्यायालयात एक अनोखा खटला समोर आला होता. ज्यात या व्यक्तीने दोन विवाह केले होते. जेव्हा पहिल्या पत्नीला ही गोष्ट समजली तेव्हा तिने कौटुंबिक न्यायालयात खटला दाखल केला.

कौटुंबिक न्यायालयाचे समुपदेशक हरीश दिवाण यांनी तिघांचे समुपदेशन करून वाद मिटवला. पतीने दोन्ही पत्नींना प्रत्येकी एक फ्लॅट दिला आहे. शिवाय पतीच्या ७५ हजार पगारापैकी अर्धा पगारही दोघींना दिला जाणार आहे. पती हरयाणातील एका मल्टिनॅशनल कंपनीत इंजिनिअर आहे. २०१८ मध्ये त्याचं लग्न झालं होतं. ते ही बराच काळ एकत्र होते. 2018 मध्ये जेव्हा लॉकडाऊन सुरू झाला तेव्हा त्याने आपल्या पत्नीला ग्वाल्हेरमधील आपल्या माहेरच्या घरी सोडले. तो हरयाणाला परतला आणि तिथल्या ऑफिसमध्ये काम करणाऱ्या एका महिलेशी त्याचे प्रेमसंबंध जुळले.

त्या व्यक्तीने तिच्याशी दुसरे लग्न केले. जेव्हा पहिल्या पत्नीला याची माहिती मिळाली, तेव्हा दोघांमध्ये वाद झाला आणि तिने ग्वाल्हेरच्या कौटुंबिक न्यायालयात तक्रार दाखल केली. पतीने दुसरे लग्न केले आहे, त्यामुळे उदरनिर्वाहासाठी न्याय हवा, अशी तक्रार पहिल्या पत्नीने केली. प्रकरण कौटुंबिक न्यायालयाचे समुपदेशक हरीश दीवाण यांच्याकडे गेलं. दिवाण यांनी दोन्ही पत्नी आणि नवरा यांना फोन करून तडजोडीचा मार्ग शोधला. सहा महिन्यांच्या वाटाघाटींनंतर पती आठवड्यात एका पत्नीकडे तीन दिवस आणि दुसऱ्या पत्नीसोबत तीन दिवस राहणार असे ठरले. रविवारी तो पूर्णपणे मोकळा असेल. या वेळेत तो त्याला पाहिजे तिथे जाऊ शकतो. त्यानंतर पत्नी आणि पती दोघांनीही यावर सहमती दर्शवली.

हे देखील वाचा

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.