सामूहिक राजीनामा देण्याची तयारी; तोडगा न निघाल्यास ‘भूक हरताळ’
मुंबई (गुरुदत्त वाकदेकर) : काही ठरावीक डॉक्टरांची मर्जी राखण्यासाठी प्राध्यापकांच्या सेवानिवृत्तीचे वय ६४ केल्याने शेकडो कनिष्ठ डॉक्टरांवर अन्याय होणार आहे. त्यामुळे जारी केलेले प्राध्यापकांचे सेवानिवृत्तीचे वय ६४ हे परिपत्रक मागे घेण्यात यावे यासाठी ४ मार्च रोजी पालिका मुख्यालयातील आयुक्तांची भेट घेत निवेदन दिले. त्यावेळी आयुक्तांनी पुढील ७ दिवसांत चर्चा करून परिपत्रक मागे घेण्याचे आश्वासन दिले होते; मात्र १५ दिवस उलटले, तरी अन्यायकारक परिपत्रक मागे न घेतल्याने कनिष्ठ डॉक्टरांची सहनशीलता संपली असून, डॉक्टरांच्या शिक्षक संघटनेने आता आंदोलनाचा पवित्रा घेतला आहे.
शेकडो कनिष्ठ डॉक्टरांमध्ये संतापाची लाट उसळली आहे. मंगळवार २१ मार्चपासून आझाद मैदान येथे धरणे आंदोलन करण्यात येणार आहे. तरीही निर्णय न घेतल्यास सर्व रुग्णालयात चक्काजाम, त्यानंतर भूक हरताळ आणि टोकाची भूमिका म्हणजे सामूहिक राजीनामा देण्याची तयारी, असा इशारा कनिष्ठ डॉक्टरांच्या शिक्षक संघटनेचे सचिव डॉ. रवींद्र देवकर यांनी दिला आहे.
आंदोलनाचे स्वरूप:-
■ धरणे आंदोलन २१ मार्च, सकाळी ९.३० वाजता
■ साखळी बेमुदत उपोषण
■ सर्व रुग्णालयात ठिय्या चक्का जाम आंदोलन
■ शेवटचा उपाय म्हणून ३० मार्चपासून सामूहिक राजीनामे देणार
■ एप्रिलपासून आझाद मैदानात बेमुदत आंदोलन
■ कायदेशीर मार्गाने लढा सुरू ठेवणार
हे देखील वाचा
- बायकोने नवऱ्याला धोबीपछाड देत मिळवला विजय; हर्षवर्धन जाधव यांच्या पराभव तर रावसाहेब दानवेची लेक जिंकली.
- कर्ज झाले म्हणून ३५ कोटीच्या विमा काढला, मजुराच्या केला खून,अन् स्वत:च्या अपघाती मृत्यूचा केला बनाव; सिनेमा सारखी कहाणी वाचा.
- Viral Video:सोशल मीडियावर रील बनवायच्या नादात महिलेच्या साडीला लागली आग;अन् पुढे जे झाले ते भयानकच पहा व्हिडिओ
- एक सेलिब्रिटी ज्याचे इन्स्टाग्रामवर 56 लाख फॉलोअर पण त्यास 200 जणांनीही मत दिलं नाही! त्याची सोशल मीडियावर जोरदार चर्चा.
- वारंवार होत असलेल्या भांडणामुळे पतीने झोपलेल्या पत्नीच्या डोक्यात दगड घालून केली हत्या, स्वतःहून पोलिस ठाण्यात झाला हजर.
