मुंबईः- मित्रासोबत फिरायला गेलेल्या वीस वर्षीय युवतीवर सामूहिक बलात्कार करण्यात आल्याची धक्कादायक घटना घडली आहे. तक्रार दाखल झाल्यानंतर अवघ्या काही तासांत पोलिसांनी यश शिंदे आणि धीरज सोनी या दोघांना पोलिसांनी अटक केली आहे.पोलिस पुढील तपास करत आहेत.पीडित युवती आपल्या मित्रासोबत विरार पूर्वमध्ये असलेल्या साईनाथ नगर येथील डोंगराळ भागात बुधवारी दुपारी चार वाजेच्या सुमारास फिरण्यासाठी गेली होती.
यावेळी जंगलात कोणी नसल्याचा फायदा घेत तेथे दबा धरून बसलेल्या दोघांनी युवतीचे फोटो काढले व ते व्हायरल करण्याची धमकी देत तिच्यावर अत्याचार केला. यावेळी आरोपींनी युवतीच्या मित्राला मारहाण करत पट्ट्याच्या मदतीने झाडाला बांधून ठेवले होते. शिवाय, त्याचे कपडे देखील काढण्यात आले होते. त्यानंतर आरोपींनी या युवतीवर अत्याचार केला. तिचा मित्र नग्न अवस्थेत डोंगराखाली आला असता काही नागरिकांनी त्याला पाहिले व त्यानंतर सर्व प्रकार उघडकीस आला.
पीडित युवती व तिच्या मित्राने विरार पोलिसांना दिलेल्या तक्रारीनंतर विरार पोलिसांनी सामूहिक बलात्कारासह, लूट, मारहाण अशा विविध कलमन्वये गुन्हा दाखल केला आहे. गुन्हा दाखल होताच अवघ्या काही तासांमध्ये आरोपींना अटक करण्यात आली आहे. अटक करून आरोपींना वसई सत्र न्यायालयात हजर केले असता न्यायालयाने त्यांना तीन दिवसांपर्यंत पोलिस कोठडी सुनावली आहे.
हे देखील वाचा
- बायकोने नवऱ्याला धोबीपछाड देत मिळवला विजय; हर्षवर्धन जाधव यांच्या पराभव तर रावसाहेब दानवेची लेक जिंकली.
- कर्ज झाले म्हणून ३५ कोटीच्या विमा काढला, मजुराच्या केला खून,अन् स्वत:च्या अपघाती मृत्यूचा केला बनाव; सिनेमा सारखी कहाणी वाचा.
- Viral Video:सोशल मीडियावर रील बनवायच्या नादात महिलेच्या साडीला लागली आग;अन् पुढे जे झाले ते भयानकच पहा व्हिडिओ
- एक सेलिब्रिटी ज्याचे इन्स्टाग्रामवर 56 लाख फॉलोअर पण त्यास 200 जणांनीही मत दिलं नाही! त्याची सोशल मीडियावर जोरदार चर्चा.
- वारंवार होत असलेल्या भांडणामुळे पतीने झोपलेल्या पत्नीच्या डोक्यात दगड घालून केली हत्या, स्वतःहून पोलिस ठाण्यात झाला हजर.
