कोल्हापूर : एकाच वेळी गळफास लावून दोघा मित्रांनी आपले जीवन संपवल्याची घटना कोल्हापुरात घडली आहे. कोल्हापूर जिल्ह्यातल्या हातकणंगले तालुक्यातील पारगाव गावात ही धक्कादायक घटना घडली आहे. विनायक शिवाजी पाटील (वय 40) आणि बाबासाहेब हिंदुराव मोरे (वय 41) असे या दोघां जिवलग मित्रांचे नाव आहे. वडगाव पोलीस ठाण्यात या घटनेची नोंद झाली आहे. या घटनेने कोल्हापूर हादरले आहे. दोघेही एकमेकांचे अत्यंत जिवलग मित्र होते. त्यांना परिसरात जय-विरूची जोडी बोलत. दोघांनी एकाच झाडाला आणि एकाच फांदीला गळफास लावून जीवन संपवले.

दरम्यान, मिळालेल्या माहितीनुसार विनायक पाटील आणि बाबासाहेब मोरे दोघेही नेहमीच एकत्र पाहायला मिळायचे. दुचाकी गाडीवर अनेकदा गावकऱ्यांना दिसायचे. यातील विनायक याचा चिरा-दगड पुरविण्याचा व्यवसाय होता, तर बाबासाहेब मोरे याचा जनावरांचा गोठा होता. अनेकदा ते एकत्रच पाहायला मिळायचे. त्यांच्या भागातील लोक त्यांना जय-विरूची जोडी बोलायचे. मात्र, दोघांनी जगाचा निरोप घ्यायचा निर्णय घेत एका झाडाला गळफास लावून आत्महत्या केली. आज सोमवारी दुपारी येथील तात्यासाहेब कोरे मिलीटरी हायस्कूल परिसरात एका झाडाला गळफास लावल्याचे उघड झाले.

दोघांच्याही डोक्यावर कर्जाचा मोठा डोंगर : दोघांच्याही डोक्यावर कर्जाचा डोंगर असल्याने त्यांनी हा आत्महत्येचा निर्णय घेतल्याचे बोलले जात आहे. या घटनेची वडगाव पोलिसांत नोंद झाली आहे. विनायक पाटील यांच्या पाश्चात आई, मुलगा, पत्नी आणि केवळ 10 दिवसांची मुलगी आहे, तर आणि बाबासाहेब मोरे यांच्या पश्चात्य आई, वडील, पत्नी, मुलगी आणि मुलगा असा परिवार आहे. विनायक शिवाजी पाटील (वय 40) आणि बाबासाहेब हिंदुराव मोरे (वय 41) असे या दोघां जिवलग मित्रांचे नाव आहे.

हे देखील वाचा

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.