पटणा :- बिहारची राजधानी पटणा येथे एक भयंकर प्रकार घडल्याचं वृत्त आहे. कर्जाच्या बदल्यात अल्पवयीन मुलीशी लग्न लावल्याचा प्रकार उघड झाला आहे. आरोपी 40 वर्षांचा असून पीडिता 11 वर्षांची आहे.या प्रकरणी आरोपीला अटक करण्यात आली आहे.
पाटण्यानजीक मैरवा या गावात राहणाऱ्या पीडितेच्या आईने महेंद्र पांडे या माणसाकडून सुमारे दोन लाख रुपये उधार घेतले होते. बराच प्रयत्न करूनही महिलेला ते पैसे चुकते करता आले नाहीत. त्यामुळे महेंद्र याने पीडितेला आपल्या घरी ठेवलं. त्याच्यावर पीडितेशी लग्न करण्याचा आरोपही आहे. तिला विवाहित महिलेप्रमाणे कुंकू, जोडवी इत्यादी घातलं गेलं. हे सगळं घालत असतानाचा तिचा व्हिडीओ 29 एप्रिल रोजी व्हायरल झाला होता.
त्या व्हिडीओवरून पीडितेच्या आईने पोलिसात तक्रार दाखल केली. पोलिसांनी महेंद्रला अटक केली आहे. दरम्यान, पीडितेने महेंद्रने आपल्याला पळवलं नसून आपल्या आईनेच पैसे चुकते न करू शकल्याने त्याच्या घरी सोडल्याचं म्हटलं आहे. महेंद्र हा विवाहित असून त्याला दोन मुलं आहेत. त्याच्या म्हणण्यानुसार, त्याने मुलीला बळजबरीने आपल्या जवळ ठेवलेलं नाही किंवा शारीरिक संबंधही ठेवलेले नाहीत. पोलीस या प्रकरणी अधिक तपास करत आहेत.
हे देखील वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
