एरंडोल :- भरधाव वेगाने येणा-या आयशरने समोरून येणा-या मोटरसायकलला जोरदार धडक दिल्यामुळे झालेल्या अपघातात २२ वर्षीय युवक जागीच ठार झाला तर एक जण गंभीर जखमी झाला.हा अपघात काल (ता.३) सायंकाळी पाच वाजेच्या सुमारास म्हसावद रस्त्यावरील उमरदे गावाजवळ असलेल्या पुलाजवळ झाला.
याबाबत माहिती अशी,कि खेडगाव तांडा (ता.एरंडोल) येथील भाईदास संतोष राठोड व संदीप खिमा जाधव हे मोटर सायकल क्रमांक एम.एच.४१ बी.जी.४५८४ ने काल सायंकाळी पाच वाजता एरंडोल येथून कपडे व अन्य वस्तूंची खरेदी करून खेडगाव तांडा येथे जात होते.उमरदे गावाजवळ असलेल्या पुलाजवळ त्यांच्या मोटर सायकलला म्हसावद करून येणा-या आयशर क्रमांक डी.एन.०९ एन.९८९० ने जोरदार धडक दिल्यामुळे संतोष खिमा जाधव (वय-२२) जागीच ठार झाला तर भाईदास संतोष राठोड हे गंभीर जखमी झाले.
अपघातानंतर संदीप जाधव यांच्या मागे मोटरसायकलने येणारे मयत संदीप जाधव यांचे मामा सुनील ताराचंद राठोड व दिनेश रमेश पवार यांना अपघात झाल्याचे दिसले.अपघातानंतर उमरदे येथील ग्रामस्थांनी आयशर थांबवली.सुनील राठोड व दिनेश पवार यांनी ग्रामस्थांच्या मदतीने दोघांनाही ग्रामीण रुग्णालयात आणले असता संदीप राठोड हे मयत झाल्याचे वैद्यकीय अधिका-यांनी सांगितले तर जखमी भाईदास राठोड यांचेवर उपचार सुरु आहेत.याबाबत सुनील राठोड यांनी दिलेल्या तक्रारीवरून आयशरचालक महेंद्रसिंग प्रतापसिंग राजपूत रा.दादरा नगर हवेली याचेविरोधात गुन्हा दाखल करण्यात आला असून पोलीस निरीक्षक सतीश गोराडे यांच्या मार्गदर्शनाखाली हवालदार महेंद्र पाटील तपास करीत आहेत.
हे देखील वाचा
- Viral Video: दोन महिला शिक्षिकांमध्ये आधी वाद मग एकमेकांचे कपडे फाडत, झिंज्या उपटत शाळेतल्या मुलांसमोर फ्री स्टाईल हाणामारी, पहा व्हिडिओ.
- खळबळजनक! आधी दोन्ही अल्पवयीन मुलांची हत्या करून आई-वडिलांनी संपविली जीवन यात्रा, मृत्यूआधीचं पत्र वाचून तुमचेही डोळे पाणावतील.
- औरंगजेबाची कबर हटविण्यासाठी हिंदुत्ववादी संघटना आक्रमक, एरंडोल प्रांताधिका-यांना दिले निवेदन.
- महिलेच्या पर्समधील ७ लाख ८० रुपये किमतीचे सोने चोरणाऱ्या दोघं महिलाना अमळनेर पोलिसांनी केली अटक.
- धुमधडाक्यात आली वरात, डी जे वाजवण्यावरून झाला वाद, लग्नाचा आनंद क्षणात दुःखाच्या सागरात बुडाला, लग्नात असं काय घडलं?
