एरंडोल :- शेतातील विहिरीतून पाणी काढत असताना अचानक तोल जाऊन विहिरीत पडल्यामुळे 37 वर्षीय युवा शेतकऱ्याचा मृत्यू झाल्याची घटना आज दुपारी बारा वाजेच्या सुमारास रवंजे खुर्द तालुका एरंडोल येथे घडली
याबाबत माहिती अशी की रवंजे खुर्द येथील जितेंद्र गजमल पाटील वय 37 वर्षे हे आज दुपारी बारा वाजेच्या सुमारास शेतातील विहिरीतून पाणी काढत होते.
पाणी काढत असताना यांचा तोल गेल्याने ते विहिरीत पडले जितेंद्र पाटील विहिरीत पडल्याचे समजताज विनोद अजबराव पाटील याने जितेंद्र चे चुलत भाऊ देविदास पाटील यांना कळवले देविदास पाटील, गजमल पाटील हे शेतातील विहिरीजवळ गेले पाटील व शेतात काम करीत असलेले मजूर यांनी जितेंद्र पाटील यास विहिरीतून बाहेर काढल्यावर ग्रामीण रुग्णालय एरंडोल येथे आणले. असता जितेंद्र पाटील यांची तपासणी केल्यानंतर ते मयत झाल्याचे वैद्यकीय अधिकाऱ्यांनी सांगितले. याबाबत देविदास पाटील यांनी दिलेल्या माहितीवरून पोलीस ठाण्यात अकस्मात मृत्यूची नोंद त्यातून हवालदार जुबेर खाटीक पुढील तपास करीत आहे.
मयत जितेंद्र पाटील हा शेतीसह खाजगी वाहनावर चालक म्हणून काम करीत होता. त्याचे पश्चात आई ,वडील, पत्नी, एक मुलगा, एक मुलगी व बहीण असा परिवार आहे.
जितेंद्र पाटील याचे शवविच्छेदन करून सायंकाळी रवंजे खुर्द येथे शोकाकुल वातावरणात अंतिम संस्कार करण्यात आले. घरातील कर्ता पुरुष गेल्याने गावात सर्वत्र हळहळ व्यक्त करण्यात येत आहे.
फोटो ओळ जितेंद्र पाटील.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
