प्रतिनिधी | एरंडोल
एरंडोल : – तालुक्यातील विखरण येथील एकाने जळगाव येथील पती पासुन विभक्त महीलेला सोबत तब्बल तिन वर्ष संबंध ठेवत लग्न करण्याचे आमिष दाखवून शारीरिक संबंध ठेवल्याने त्याच्या विरोधात महिलेने अट्रोसिटी चा गुन्हा दाखल केला आहे.
याबाबत माहिती अशी की जळगाव येथील पिंप्राळा हुडको परिसरातील रहिवासी कांचन अभिमान भालेराव ३५ वर्षीय महिला ही साड्या विक्रीचा व्यवसाय करते.तिला साड्या घेण्यासाठी नेहमी जळगाव येथुन सुरत जावे लागायचे याप्रसंगी २०२० मध्ये तिचे प्रवासा
दरम्यान एरंडोल तालुक्यातील विखरण येथील अंकुश मारुती महाजन या इसमासोबत ओळख झाली व ओळखीचे रूपांतर प्रेमात झाले तसेच यावेळी सदर महिला ही विवाहीत होती.तिला दोन मुली पण आहेत.त्या दोघींना मी सांभाळून घेईल असे आमिष दाखवून एरंडोल जळगाव हायवे क्र.६ वरील रस्त्यावरील ओम शिवरत्न फॉर्म हाऊस वर नेऊन सतत तिन वर्ष शारीरिक संबंध ठेवले तसेच अंकुश याने सांगितल्याने दि.१७ जानेवारी २०२३ रोजी सदर महिलेने आपल्या पतीला पंच फारकत दिली.
त्यानंतर देखील अंकुश याने सदर महिलेस लग्नाचे आमिष दाखवून शारीरिक संबंध ठेवले.शेवटी अंकुश याने लग्नास नकार दिल्याने सदर महिलेने एरंडोल पोलीस स्टेशनला अंकुश विरुद्ध लग्नाचे आमिष दाखवून शारीरिक संबंध ठेवत फसवणूक केल्याने अट्रोसिटी गुन्हा दाखल केला आहे.
दरम्यान आरोपी अंकुश मारुती महाजन यास एरंडोल न्यायालय समोर हजर केले असता संशयित आरोपीस दोन दिवसाची पोलीस कोठडी सूनविण्यात आली.
या बाबत एरंडोल पोलीस स्थानकात भादवी कलम 376 व अट्रोसिटी गुन्हा दाखल करण्यात आला असून अमळनेर विभागीय अधिकार राकेश जाधव यांचे मार्गदर्शना खाली पोलीस निरीक्षक सतिष गोराडे व पोलिस कर्मचारी तपास करीत आहेत.
