भुसावळ : – सध्या महाराष्ट्रात घातपात झाल्याचा घटनांमध्ये दिवसेंदिवस वाढ होत आहे अश्यातच जळगाव जिल्ह्यातील भुसावळ शहरात एक धक्कादायक घटना समोर आली आहे. कौटुंबिक कलहातून रेल्वे कर्मचारी तरुणाने पत्नी आणि वृद्ध आईचा खून केला. जळगाव जिल्ह्यातील भुसावळ शहरात घडलेल्या घटनेने खळबळ उडाली आहे. पत्नी व आई झोपेत असताना लोखंडी वस्तूने वार करत तरुणाने दोघींचा खून केल्याचा आरोप आहे. मंगळवारी पहाटेच्या सुमारास ही धक्कादायक घटना घडली आहे.
आराध्या हेमंत भूषण (वय २३ वर्ष) असे मयत पत्नी तर सुशीलादेवी भूषण (वय ६३ वर्ष) असे मयत आईचे नाव आहे. या घटनेत आरोपीने मेहुण्यावर सुद्धा वार केले असून तो जखमी आहे. त्याच्यावर जिल्हा रुग्णालयात उपचार सुरू आहेत. दुहेरी हत्या प्रकरणी आरोपी हेमंत भूषण श्रवणकुमार (वय ३२) यास पोलिसांनी अटक केली असून त्याने खून केल्याची कबुली सुद्धा पोलिसांना दिली आहे.
हेमंत श्रवणकुमार भूषण हा भुसावळ रेल्वे विभागात चतुर्थ श्रेणी कर्मचारी आहे. पत्नी आराध्या व आई सुशीलादेवी यांच्यासह तो भुसावळ शहारातील वांजोळा रोड, बालाजी लॉजमागील शगुन इस्टेटमध्ये काही महिन्यांपूर्वीच वास्तव्यास आला होता. २ डिसेंबर २०२२ रोजी म्हणजेच अवघ्या पाच महिन्यांपूर्वीच त्याचे आराध्या हिच्यासोबत लग्न झाले होते. मात्र ती त्याला आवडत नसल्याने कुटुंबात वाद सुरू होते. त्यातून रेल्वे कर्मचारी असलेल्या पतीचे सातत्याने खटके उडत होते.
पत्नीचा खून करण्याचे नियोजन केल्याने रेल्वे कामासाठी वापरले जाणारे ब्रेक ब्लॉक हे लोखंडी साहित्य हेमंत याने घरात आणून ठेवले होते. मंगळवारी पहाटे दाम्पत्यात कडाक्याचे भांडण झाले. याच वादातून हेमंत याने मंगळवारी पहाटे चार ते साडेचार वाजेच्या सुमारास झोपेत असलेली त्याची पत्नी आराध्या व आई सुशीलादेवी या दोघींच्या डोक्यात तसेच तोंडावर घरातील लोखंडी तवा मारला. या घटनेत आराध्या व सुशीलादेवी या दोघींचा जागीच मृत्यू झाला.
दरम्यान गेल्या काही दिवसांपासून वाद सुरू असल्याने ते मिटवण्यासाठी मुंबईत सॉफ्टवेअर अभियंता असलेला हेमंतचा मेहुणा ऋषभ हा सोमवारीच भुसावळ शहरातील बहिणीच्या घरी आला होता. मंगळवारी पहाटेच्या सुमारास हेमंतने झोपेत असलेल्या ऋषभवरही लोखंडी तव्याने वार केले होते. त्याने हेमंतला पकडून ठेवलेले, मात्र हेमंतने त्याच्या तावडीतून सुटून पत्नी आराध्या व आई सुशीलादेवी या दोघींचा जीव घेतला. अतिरक्तस्त्राव होऊन त्यांचा मृत्यू झाला, तर ऋषभ गंभीर जखमी असून त्याच्यावर रुग्णालयात उपचार सुरू आहेत.
घटनेची माहिती जखमी ऋषभ याने भुसावळ बाजारपेठ पोलिसांना कळवली. घटनेची माहिती मिळाल्यानंतर पोलीस अधीक्षक एम राजकुमार, पोलीस उपअधीक्षक सोमनाथ वाघचौरे, बाजारपेठचे पोलीस निरीक्षक राहुल गायकवाड, सहाय्यक निरीक्षक मंगेश गोंटला, सहाय्यक निरीक्षक हरीष भोये व बाजारपेठ कर्मचारी घटनास्थळी दाखल असून त्यांच्याकडून खुनाची माहिती घेण्याचे काम सुरू आहे. घटनेनंतर आरोपी हेमंत श्रवण कुमार याला पोलिसांनी अटक केली आहे. त्याने कशासाठी खून केला याची पोलिसांना कबुली दिली आहे. या प्रकरणी गुन्हा दाखल करण्यात आला आहे. या घटनेने जळगाव जिल्ह्यात मोठी खळबळ उडाली आहे.
हे वाचलंत का ?
- आजचे राशी भविष्य बुधवार दि.१९ मार्च २०२५
- Viral Video: दोन महिला शिक्षिकांमध्ये आधी वाद मग एकमेकांचे कपडे फाडत, झिंज्या उपटत शाळेतल्या मुलांसमोर फ्री स्टाईल हाणामारी, पहा व्हिडिओ.
- खळबळजनक! आधी दोन्ही अल्पवयीन मुलांची हत्या करून आई-वडिलांनी संपविली जीवन यात्रा, मृत्यूआधीचं पत्र वाचून तुमचेही डोळे पाणावतील.
- औरंगजेबाची कबर हटविण्यासाठी हिंदुत्ववादी संघटना आक्रमक, एरंडोल प्रांताधिका-यांना दिले निवेदन.
- महिलेच्या पर्समधील ७ लाख ८० रुपये किमतीचे सोने चोरणाऱ्या दोघं महिलाना अमळनेर पोलिसांनी केली अटक.
