जुनागढ (गुजरात):- मधील येथे दर्गा हटवण्यावरून हिंसाचाराची घटना घडली आहे. या घटनेत १ जणाचा मृत्यू, तर चार पोलीस कर्मचारी जखमी झाले आहेत. याप्रकरणी पोलिसांनी १७४ जणांना अटक केली आहे.
जमावाने पोलीस चौकीची तोडफोड करत वाहनांना आग लावली आहे.
नेमकं घडलं काय?
जुनागढ येथे माजेवाडी गेटसमोर असलेला दर्गा अनधिकृत असल्याची नोटीस महापालिकेच्या अधिकाऱ्यांनी बजावली होती. जागेच्या मालकीबाबत कागदपत्रे सादर करा, अन्यथा दर्गा हटवण्यात येईल, असं महापालिकेने नोटीशीत म्हटलं होतं. यासाठी पाच दिवसांची मुदत देण्यात आली होती. ही नोटीस दर्ग्याच्या बाहेर लावण्यासाठी महापालिका अधिकारी शुक्रवारी पोहचले, तेव्हा अचानक २०० ते ३०० जणांचा जमाव एकत्र आला. त्यांनी घोषणाबाजी करत दगडफेक करण्यास सुरूवात केली.
या घटनेत पोलीस उपअधिक्षकासह चार पोलीस कर्मचारी जखमी झाले. तर, एका नागरिकाचा मृत्यू झाला आहे. जमावाने केलेल्या दगडफेकीत त्याचा मृत्यू झाल्याचा अंदाज पोलिसांनी वर्तवला आहे.
याप्रकरणी पोलीस अधीक्षक रवी तेजा वासमसेट्टी यांनी सांगितलं की, “माजेवाडी गेटजवळील दर्ग्याला महापालिकेने ५ दिवसांत कागदपत्रे सादर करण्याची नोटीस बजावली होती. शुक्रवारी अचानक तिथे ५०० ते ६०० लोक जमले होते. पोलिसांनी जमावाला पांगवण्याचा प्रयत्न केला. पण, रात्री १०.१५ च्या सुमारास जमावाने पोलीस आणि नागरिकांवर दगडफेक केली.”
“तेव्हा जमावाला पांगवण्यासाठी पोलिसांनी लाठीचार्ज आणि अश्रू धुरांचा वापर केला. १७४ जणांना ताब्यात घेतलं आहे,” अशी माहिती रवी तेजा वासमसेट्टी यांनी दिली आहे.
हे पण वाचा
- Viral Video: मार्केटमध्ये एक सुंदर ड्रेस दोन महिलांना आवडला तो घेण्यावरून सुरू झाला वाद मग सुरू झाली तुंबळ हाणामारी पहा व्हिडिओ
- महाविद्यालयाच्या हॉस्टेलच्या बाथरूममध्ये इतर मुलींचे आंघोळ करतानाचे व्हिडिओ शूट करून तरुणीने क्लिप्स पाठवल्या प्रियकरास, तरुणीस पोलिसांनी घेतले ताब्यात.
- हृदयद्रावक! लग्नाच्या दुसऱ्याच दिवशी हळद सुकण्यापूर्वीच नववधूच्या मांडीवर डोके टेकत नवरदेवाने सोडला प्राण, सर्वत्र हळहळ.
- संघटित गुन्हे करणाऱ्या घरफोडीतील गुन्हेगारांना एमआयडीसी पोलिसांनी केले जेरबंद,१लाख ८५ हजार रुपयांच्या मुद्देमाल जप्त.
- Viral Video:एक्स्प्रेसवेवर तरुणांची सुसाट वेगाने बाईक चालवत जीवघेणी स्टंटबाजी; तोल जाताच कोसळले, मागून आला ट्रक अन् पहा काळजात धडकी भरेल असा व्हिडिओ.
