Viral Video : शेतात घर, एका भल्यामोठ्या नागाचे मुंगसासोबत चालू असलेले भांडण अन् त्याच्या तावडीतून सुटून थेट बाळाच्या झोपाळ्यात घुसलेला जवळपास ८ फुटाचा फणा काढलेला नाग. ही थरारक घटना कॅमेऱ्यात कैद झाली असून हा व्हिडिओ सोशल मीडियावर व्हायरल झाला आहे.हा व्हिडिओ पाहून आपल्या पायाखालची जमीन सरकेल.
व्हायरल होत असलेला व्हिडिओ महाराष्ट्रातील एका खेडेगावातील असून एका शेतातील घरी भलामोठा नाग आला आहे. आधी या नागावर मुंगूस हल्ला करताना दिसत आहे. त्याच्या तावडीतून सुटून हा नाग घराच्या व्हरांड्यात येतो आणि तिथे असलेल्या झोक्यात चढतो. यावेळी त्याने मोठा फणा काढलेला दिसत आहे. हे पाहून महिला ओरडण्याचा आवजही या व्हिडिओमध्ये येत आहे.
बाळाच्या झोपाळ्यात चढून हा नाग झोपाळ्याच्या दोरीने वर चढत जातो आणि वाळायला टाकेलल्या कपड्यांमध्ये घुसतो. तो बराच काळ या दोरीवरच अडकून राहिलेला दिसत आहे. या व्हिडिओमध्ये नाग फणा काढून आक्रमक पवित्र्यात दिसत आहे. सुदैवाने या झोपाळ्यात बाळ नसल्यामुळे मोठी दुर्घटना टळली आहे.
दरम्यान, हा थरारक व्हिडिओ पाहून आपलीही झोप उडेल. डॉ. प्रशांत भामरे या ट्वीटर अकाऊंटवरून हा व्हिडिओ शेअर करण्यात आला आहे. या व्हिडिओवर नेटकऱ्यांनी आपलं मत व्यक्त केलं आहे. ग्रामीण भागात घर असलेल्या शेतकऱ्यांनी किंवा नागरिकांनी काळजी घेतली पाहिजे. साप किंवा सरपटणारे प्राणी अडचणीच्या ठिकाणी दबा धरून बसतात त्यामुळे घराच्या आजूबाजूला स्वच्छता राखली पाहिजे.
हे पण वाचा
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
- शहापूर चोरीच्या घटनेतील आरोपी जामनेर पोलिसांनी शोधला ; – जामनेर पोलीसांची यशस्वी कामगिरी
- पाच मुलांच्या आईचे सूत जुळले 20 वर्षे लहान तरुणासोबत,दोघे राहिले लिव्ह-इन-रिलेशनमध्ये,तिला आठवणी आली पतीची, अन् भररस्त्यात…..
- अखिल भारतीय ग्राहक पंचायतच्या धरणगाव तालुकाध्यक्षपदी विनायक महाजन यांची नियुक्ती
