कोल्हापूर :- पोलिसांच्या कारवाईच्या भीतीने दोघांनी इमारतीवरून उड्या मारल्या, त्यात साहिल मायकेल मिणेकर याचा जागीच मृत्यू झाला तर दत्तात्रय देवकुळे गंभीर जखमी झाला आहे.
कोल्हापूर येथून एक धक्कादायक बातमी समोर आली आहे. इमारतीमध्ये जुगार खेळत असलेल्या दोन मुलांनी इमारतीवरुन उडी घेतली आहे. पोलिसांनी या इमारतीवर छापेमारी केली. त्यावेळी भीतीने दोन तरुणांंनी खाली उडी घेतली. यात एकाचा जागीच मृत्यू झालाय.
इमारतीच्या दुसऱ्या मजल्यावर सहाजण जुगार खेळत असल्याची माहिती मिळाल्यानंतर पोलिसांनी रविवारी रात्री अकरा वाजण्याच्या सुमारास तेथे छापा टाकला. पोलिसांच्या कारवाईच्या भीतीने दोघांनी इमारतीवरून उड्या मारल्या, त्यात साहिल मायकेल मिणेकर याचा जागीच मृत्यू झाला तर दत्तात्रय देवकुळे गंभीर जखमी झाला आहे.
पोलिसांनी दिलेल्या माहितीनुसार, राजेंद्रनगर इथल्या एका दुमजली इमारतीत सहाजण जुगार खेळत असल्याची माहिती रविवारी रात्री ९.३० वाजण्याच्या सुमारास पोलिसांना मिळाली. पोलिस ११ वाजण्याच्या सुमारास तेथे पोहोचले. पोलीस छापेमारी करत आहेत हे समजताच साहिल आणि दत्तात्रय हे दोघेही प्रचंड खाबरले. आपल्यावर कारवाई होणार, परिसरात आपलं नाव खराब होणार, आपण आपल्या आई बाबांना काय उत्तर देणार असे प्रश्न त्या क्षणी या दोघांच्या मनात आले.
कारवाईच्या भीतीने साहिल आणि दत्तात्रय दोघांनीही इमारतीवरुन उड्या मारल्या. इमारतीवरुन (Building) उडी घेताच साहिल खाली असलेल्या दगडावर आदळला. डोक्यावर दगड लागल्याने तो पुरता रक्तबंबाळ झाला. या घटनेत त्याचा जागीच मृत्यू झालाय.
सदर घटनेनंतर पोलिसांनी त्याचा मृतदेह ताब्यात घेतला असून शवविच्छेदनासाठी सीपीआरमध्ये आणण्यात आला आहे. तर दत्तात्रय याने देखील इमारतीवरुन उडी घेतल्याने त्याला गंभीर दुखापत झाली आहे. त्याला खाजगी रुग्णालयात दाखल करण्यात आले. साहिल हा खासगी कंपनीत नोकरी करत होता. त्याच्या पश्चात आई-वडील पत्नी आणि दोन मुले असा परिवार आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
