VIRAL VIDEO नवी दिल्ली :- प्रगती मैदान बोगद्याजवळ शनिवारी (२४ जून) लुटीची एक धक्कादायक घटना घडली आहे. दुचाकीवरून आलेल्या चार जणांनी बंदुकीच्या धाकाने एका डिलिव्हरी एजंटला आणि त्याच्या साथीदाराला लुटलं आहे.
चोरट्यांनी अवघ्या १२ सेकंदात पैशांनी भरलेली बॅग लंपास केली. या बॅगेत दोन लाख रुपये होते, अशी माहिती पोलिसांनी दिली. या प्रकरणी गुन्हा दाखल करण्यात आला असून अद्याप कोणालाही अटक करण्यात केलेली नाही. घटनेचा तपास पोलीस करत आहेत.
दिल्ली पोलिसांनी दिलेल्या माहितीनुसार, डिलिव्हरी एजंट आणि त्याचा साथीदार पैशांनी भरलेली बॅग घेऊन गुरुग्रामला जात होते. यावेळी दुचाकीवरून आलेल्या चार जणांनी कारचा पाठलाग करत दोघांना लुटलं. लुटीची ही घटना बोगद्यात लावलेल्या सीसीटीव्ही कॅमेऱ्यात कैद झाली आहे. दिवसाढवळ्या घडलेल्या या घटनेचा व्हिडीओ सोशल मीडियात वेगाने व्हायरल होत आहे.
या व्हिडीओत दिसत आहे की, दोन दुचाकीवरून आलेल्या चार दरोडेखोरांनी प्रगती मैदान बोगद्याजवळ भररस्त्यात डिलिव्हरी एजंटची कार आडवली. यातील दोन सशस्त्र दरोडेखोर दुचाकीवरून खाली उतरले. यातील एकाने कारमधील दोन व्यक्तींकडे बंदूक रोखली, तर अन्य एकाने कारच्या मागच्या सीटवर असलेली पैशांनी भरलेली बॅग हिसकावली. यानंतर हे दरोडेखोर क्षणार्धात घटनास्थळावरून फरार झाले.
लुटीची ही थरारक घटना सीसीटीव्ही कॅमेऱ्यात कैद झाली आहे. चोरट्यांनी अवघ्या १२ सेकंदात दोघांना लुटलं असून दोन लाख रुपये ठेवलेली बॅग लंपास केली आहे. या घटनेचा व्हिडीओ सोशल मीडियात व्हायरल होत आहे.
हे पण वाचा
- शासकीय ज्वारी खरेदीत वर्षानुवर्षे शेतकऱ्यांना उद्भवणाऱ्या समस्यांना पुर्णविराम लागण्यासाठी आवश्यक ते नियोजन करूनच खरेदी सुरू करा…आ.अमोलदादा पाटील
- एका वयस्कर व्यक्तीस अंघोळ करताना नग्नावस्थेतील तरुणीच्या व्हिडीओ कॉल आला मग….. ब्लॅकमेलिंग करून 14 लाख 66 हजार उकळले,काय आहे प्रकरण वाचा.
- गुगलच्या मदतीने बनविलेले विषारी फुलांचे ज्यूस पाजून सैतान मुख्याध्यापिका पत्नीनं शिक्षक पतीला संपवलं; विद्यार्थ्यांच्या मदतीने जाळला मृतदेह पण……
- ३ लाख २५ हजार रुपयांचे सोन्याचे दागीने आणि रोख रक्कमेची घरफोडी करणाऱ्या चोरट्यास मेहूणबारे पोलिसांनी केले जेरबंद.
- सासूने घेतला चोरीचा आरोप कंटाळून महिलेने आत्महत्या करण्यासाठी कालव्यात मारली उडी वाचवण्यासाठी हवालदार धावला; महिला वाचली पण हवालदाराने जीव गमावला.
