एरंडोल – कासोदा रस्त्यावरील अंजनी प्रकल्पाच्या उजव्या कालव्याजवळील दुदैवी घटना!

एरंडोल– मेहुणबारे (ता.चाळीसगाव) येथे तपासासाठी गेलेल्या आर्थिक गुन्हे शाखेच्या वाहनावर जीर्ण झालेले चिंचेचे झाड कोसळल्यामुळे झालेल्या अपघातात स्थानिक गुन्हे शाखेच्या सहाय्यक निरीक्षकासह एका पोलीस कर्मचा-याचा जागीच मृत्यू झाला तर तीन पोलीस कर्मचारी गंभीर जखमी झाले.हि दुर्घटना आज रात्री आठ वाजेच्या सुमारास एरंडोलपासून तीन किलोमीटर अंतरावर असलेल्या कासोदा रस्त्यावरील अंजनी प्रकल्पाच्या उजव्या कालव्याजवळ घडली.अपघातानंतर कासोदा रस्त्यावरील दोन्ही बाजूची वाहतूक ठप्प झाली होती.

अपघात ग्रस्त वाहनावर पडलेले झाड कटरच्या सहाय्याने कापून तसेच जेसीबीच्या मदतीने उचलण्यात आले तर मदतीसाठी आलेल्या युवकांनी वाहनाचा पत्रा अक्षरश: हाताने तोडून त्यातील मृतदेह बाहेर काढले. याबाबत माहिती अशी,की जळगाव येथील आर्थिक गुन्हे शाखेचे सहाय्यक निरीक्षक सुदर्शन दातीर व त्यांचे सहकारी निलेश सूर्यवंशी,चालक अजय चौधरी,चंद्रकांत शिंदे व भरत जेठवे हे चाळीसगाव तालुक्यातील मेहुणबारे येथे वाहन क्रमांक एम.एच.१९ एम.०७५१ या वाहनाने तपासासाठी गेले होते.

मेहुणबारे येथून जळगाव येथे जात असताना कासोदा रस्त्यावरील अंजनी प्रकल्पाच्या उजव्या कालव्याजवळ रात्री आठ वाजेच्या रस्त्याच्या कडेला असलेले चिंचेचे झाड पोलीस पथकाच्या वाहनावर कोसळले.झाडाच्या मोठ्या फांद्या वाहनावर पडल्यामुळे सहाय्यक पोलीस निरीक्षक सुदर्शन दातीर आणि चालक अजय चौधरी यांचा जागीच मृत्यू झाला तर त्यांचे सहकारी निलेश सूर्यवंशी,चंद्रकांत शिंदे व भरत जेठवे हे गंभीर जखमी झाले.वाहनावर झाड कोसळल्याचे दिसताच शेतात काम रस्त्यावरून जाणारे शिवसेनेचे जिल्हाप्रमुख वासुदेव पाटील यांनी अपघाताची माहिती पोलीस स्टेशनला कळवली.

पोलीस निरीक्षक सतीश गोराडे,सहाय्यक निरीक्षक गणेश अहिरे, हवालदार अनिल पाटील मिलिंद कुमावत,प्रशांत पाटील यांचेसह पोलीस कर्मचा-यांनी तसेच कासोदा पोलीस स्थानकाच्या सहाय्यक निरीक्षक व कर्मचा-यांनी घटनास्थळी धाव घेवून बचाव कार्य सुरु केले.शिवसेनेचे जिल्हाप्रमुख वासुदेव पाटील,विकास संस्थेचे अध्यक्ष अनिल माधवराव पाटील,माजी अध्यक्ष ज्ञानेश्वर पाटील,उपसरपंच रवींद्र पाटील,ग्रामपंचायत सदस्य रवींद्र चौधरी यांचेसह नागरिकांनी वाहनाच्या काचा फोडून जखमी कर्मचा-यांना बाहेर काढून ग्रामीण रुग्णालयात दाखल केले.

अपघाताची माहिती मिळताच नागरिकांनी घटनास्थळी धाव घेवून मदतकार्य सुरु केले.माजी नगराध्यक्ष दशरथ महाजन,माजी उपनगराध्यक्ष कुणाल महाजन,बाजार समितीचे संचालक किरण पाटील,कुणाल पाटील,सिद्धेश परदेशी,भरत महाजन यांचेसह युवकांनी मदतकार्य जोमाने सुरु केले.वाहनावर झाड कोसळल्यामुळे वाहनाचा पूर्णपणे चुराडा झाला होता.जेसीबीच्या सहाय्याने झाडाच्या फांद्या हलवण्यात आल्या तर कटरच्या मदतीने फांद्या कापण्यात आल्या.सुमारे अर्ध्या तासाच्या प्रयत्नानंतर वाहणारे पडलेले झाड बाजूला करण्यात आले.

आर्थिक गुन्हे शाखेच्या वाहनाला अपघात झाल्याचे समजताच जिल्हा पोलीस अधीक्षक एम.रामकुमार यांचेसह सहाय्यक अधीक्षक चंद्रकांत गवळी,चाळीसगाव विभागाचे अधीक्षक रमेश चोपडे,अमळनेरचे उपविभागीय पोलीस अधिकारी सुनील नंदलवाड यांनी ग्रामीण रुग्णालयात जाऊन जखमी कर्मचा-यांची भेट घेवून अपघाताबाबत माहिती जाणून घेतली.रस्त्याच्या मध्यभागी वाहनावर झाड पडल्यामुळे दोन्ही बाजूची वाहतूक ठप्प झाली होती. एरंडोल पोलिसांनी गावातील लोकांच्या सहकाऱ्याने झाडाला कापून जे सी बी च्या साह्याने बाजूला करून अर्ध्या तासात वाहतूक सुरळीत केली. गंभीर जखमी असलेले पोलीस कर्मचारी निलेश सूर्यवंशी, चंद्रकांत शिंदे व भरत जेठवे यांना ग्रामीण रुग्णालय एरंडोल येथे प्रथमोपचार करून त्यांना जळगाव येथे हलविण्यात आले.

हे पण वाचा

• लग्न होत नाही म्हणून एजेंटला दिले 5 लाख रुपये, सोन दिल लग्न लागलं अन् दुसऱ्याच दिवशी नवरी फरार, 5 जणांन विरोधात गुन्हा दाखल.
• उसनवार दिलेले अडीच लाख रुपये दे, किंवा माझ्याशी लग्न कर असा तगादा लावणाऱ्या महिलेच्या मित्रांने केली हत्या.
• जळगाव एमआयडीसी पोलिसांनी अट्टल दुचाकी चोरास केले जेरबंद; साडे सात लाखांच्या 15 मोटरसायकली जप्त
• आमदार अमोलदादा पाटील यांच्या वाढदिवसानिमित्त आयोजित प्रा.वसंत हंकारे यांच्या एरंडोल येथील व्याख्यानास उत्स्फूर्त प्रतिसाद
• पारोळा बायपास महामार्गावर गॅसचा टँकर कलंडला:.…..प्रशासनाच्या सतर्कतेने मोठा अनर्थ टळला…..