सिक्कीममधील एका दुर्दैवी घटनेत महाराष्ट्राच्या जवानाला वीरमरण आले आहे. या घटनेनंतर जवानाच्या कुटुंबीयांवर दुःखाचा डोंगर कोसळला आहे.
धुळे : जिल्ह्यातून एक दुःखद बातमी समोर आली आहे. शिरपूर तालुक्यातील वाघाडी गावचे रहिवासी तथा भारतीय लष्करातील लान्स नायक मनोज संजय माळी यांना वीरमरण आले आहे. वयाच्या अवघ्या २५व्या वर्षी संजय माळी यांना सिक्कीम येथे कर्तव्य बजावत असताना वीरमरण आले. या घटनेची माहिती वाघाडी गावात येताच माळी कुंटुंबीयांवर दुःखाचा डोंगर कोसळला अन् गावावर शोककळा परसरली.
याबाबत मिळालेल्या माहिती नुसार २४ मार्च २०१९ ला भारतीय लष्करात भरती झालेले मनोज संजय माळी हे लान्स नायक या पदावर कार्यरत होते. त्यांची सिक्कीम येथे नियुक्ती करण्यात आली होती. आज पहाटे सिक्कीम येथे लान्स नायक मनोज संजय माळी हे उंच डोंगराळ प्रदेशात कर्तव्य बजावत असताना त्यांचा अचानक पाय घसरला. आणि ते थेट ५०० ते ६०० फूट खोल दरीत कोसळले. या घटनेत जबर जखमी होवून त्यांचा जागीच मृत्यू झाला. सोबतच्या लष्कराकडून त्वरीत शोध सुरू करण्यात आला.
आज दुपारी साडे बारा वाजेच्या सुमारास लान्स नायक मनोज माळी यांचा मृतदेह शोध पथकास मिळून आला. यानंतर सिक्कीम येथील लष्कराच्या रुग्णालयात त्यांचा मृतदेह नेण्यात आल्याची माहिती आहे.दरम्यान, या घटनेची माहिती आज दुपारी वाघाडी (ता. शिरपूर जि.धुळे) येथे कुटुंबीयांना कळवण्यात आली. तरुण मुलाच्या मृत्यूने माळी कुटुंबीयांवर दुःखाचा अक्षरशः डोंगर कोसळला. हे वृत्त गावात वाऱ्यासारखे पसरले आणि अवघे गाव माळी कुटुंबीयांना धीर देण्यासाठी एकत्र आले.
शहिद जवान मनोज माळी यांच्या पश्चात वडील संजय बुधा माळी, भाऊ चेतन आणि आई सुरेखा माळी हे तिघे जण आहेत. वडील गावातच शेती करतात. लान्स नायक मनोज माळी यांचं पार्थिव उद्या वाघाडी गावात आणले जाणार असल्याची प्राथमिक गावकऱ्यांनी दिली आहे.
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
