एरंडोल l प्रतिनिधी

एरंडोल:- नवीन गाडी घेण्यासाठी माहेराहून चार लाख रुपये घेवून ये अशी मागणी करून विवाहितेचा मानसिक,शारीरिक छळ करून मारहाण केल्याच्या कारणावरून पती,सासू,सासरे,जेठ,जेठानी यांच्याविरोधात पोलीस स्थानकात गुन्हा दाखल करण्यात आला आहे.याबाबत माहिती अशी,की मुल्लावाडा येथील रहिवासी सनोबर माजीद खान यांचा विवाह भुसावळ येथील माजिद्खान युनुसखान यांचेशी १७ एप्रिल २०१९ रोजी सितारामभाई नगर एरंडोल येथे झाला होता.

विवाह झाल्यानंतर काही दिवसातच पती माजिदखान युनुसखान,सासू बानोबी युनुस खान,सासरे युनुसखान
उस्मानखान,जेठ मोहसीन युनुसखान,जेठानी निकहत मोहसीनखान यांनी माहेरहून गाडी घेण्यासाठी चार रुपये घेवून ये अशी मागणी करून विवाहिता सनोबर
माजिदखान यांचा मानसिक शारीरिक छळ करून मारहाण केली व घराच्या बाहेर हाकलून दिले.सनोबर यांचे वडिल शेख रफिक शेख भिकन यांना फोन करून तुमच्या मुलीस घेवून जा असे सांगितले.मागील दोन वर्षांपासून सनोबर ह्या वडिलांकडेच राहत आहेत.

विवाहितेचा पती,सासू,सासरे,जेठ,जेठानी यांनी एरंडोल
येथे येवून आई,वडिलांना शिवीगाळ करून करून धमकी दिली.याबाबत सनोबर माजिद खान यांनी दिलेल्या तक्रारीवरून पोलीस स्थानकात पती,सासू,सासरे,जेठ, जेठानी यांच्याविरोधात गुन्हा दाखल करण्यात आला असून हवालदार संतोष चौधरी तपास करीत आहेत.

हे पण वाचा

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.