एक संशयित आरोपी हा बॅंकेत नोकरीला असल्याने त्यास एटीएमची होती माहिती,एटीएम मशीनचा पासवर्ड स्पाय कॅमेराच्या रेकॉर्डींगमधून बघून उघडले.
इंदापूर :- बस स्थानकातील एटीएम मशीनमधून १७ लाख ५५ हजारांची चोरी केल्याप्रकरणी पंजाबमधील दोघांना इंदापूर पोलिसांनी दौंड येथून अटक केली.
इंदापूर :- इंदापूर बस स्थानकातील एटीएम मशीनमधून १७ लाख ५५ हजारांची चोरी केल्याप्रकरणी पंजाबमधील दोघांना इंदापूर पोलिसांनी दौंड येथून अटक केली.
रचपाल बलदेव सिंह (वय ३६, रा. बाबा दिपसिंग नगर रोड नं.१, भंटिडा, पंजाब) व लखवीर बलदेव सिंह, (वय २९, रा. रायखाना, ता. तलवंडी सापो, जि. भटिंडा, राज्य-पंजाब) अशी त्यांची नावे आहेत.

८ जून ते १२ जून २०२३ दरम्यान इंदापूर बस स्थानकातील टाटा इंडिकॅश एटीएममधून १७ लाख ५५ हजारांची चोरी झाल्याची तक्रार इंदापूर पोलिसात दाखल झाली होती. याप्रकरणी गुन्हा दाखल झाला होता. गुन्ह्याचे गांभीर्य ओळखून पोलीस निरीक्षक दिलीप पवार यांच्या सूचनेनुसार गुन्हे शोध पथकाने धागेदोरे शोधण्याचा प्रयत्न केला. एटीएममधील सीसीटिव्ही बंद असल्याने व त्या ठिकाणी सुरक्षा रक्षक नसल्याने चोरी झाल्याची निश्चित वेळ पोलिसांना समजत नव्हती. त्यामुळे तपासामध्ये अडथळे येत होते. त्या पार्श्वभूमीवर पोलिसांनी इंदापूरसह दौंड, शिक्रापूर, रांजणगाव, उरुळी कांचन परिसरातील अनेक सीसीटिव्हींचे फुटेज तपासले होते.

संशयित बॅंकेत नोकरीला असल्याने एटीएमची माहिती….
गुन्ह्यातील संशयित रचपाल सिंह हा पूर्वी बँकेत नोकरी करत होता. त्यामुळे त्याला एटीएम मशीनबाबत माहिती होती. आरोपींनी एटीएम मशीन खोलून त्यामध्ये पैसे भरण्याच्या कॅसेट जवळ स्पाय कॅमेरा बसवून एटीएम मशीनचा पासवर्ड स्पाय कॅमेराच्या रेकॉर्डींगमधून बघून त्यानंतर एटीएम मशीन उघडून त्यातील सर्व पैसे लंपास केले होते. त्यांनी यापूर्वी सुपे (बारामती), तळेगाव (पुणे), गोवंडी (मुंबई), गंगापूर (राजस्थान), कोटा (राजस्थान),पठाणकोट (पंजाब), उत्तराखंड राज्यातही अशाच प्रकारचे गुन्हे केल्याचे तपासात निष्पन्न झाले आहे. आरोपींना न्यायालयात हजर केले असता न्यायालयाने त्यांना ५ दिवसांची पोलीस कोठडी सुनावली.

पुणे ग्रामीणची कारवाई..
सदरची कामगिरी पुणे ग्रामीणचे पोलीस अधीक्षक अंकित गोयल, अप्पर पोलीस अधीक्षक आनंद भोईटे, उपविभागीय पोलीस अधिकारी गणेश इंगळे यांच्या मार्गदर्शनाखाली पो.नि दिलीप पवार, स. पो. निरीक्षक योगेश लंगुटे, सहा. फौजदार प्रकाश माने, पो.ह. ज्ञानेश्वर जाधव, पो. नाईक सलमान खान, पो. कॉ नंदू जाधव, गजानन वानोळे, होमगार्ड संग्राम माने यांनी केली. गुन्ह्याचा अधिक तपास स.पो निरीक्षक योगेश लंगुटे हे करित आहेत.

हे पण वाचा

• Viral Video:परमेश्वरा अशी सून नको रे बाबा! आजारग्रत सासू अन् सासऱ्याला डॉक्टर सूनेची अमानुषपणे मारहाण पाहुन व्हिडिओ तुम्हीपण अवाक् व्हाल.
• पत्नीने प्रियकराला बोलावले घरी, अचानक पती आला घरी त्याने पत्नीस प्रियकरा सोबत नको त्या अवस्थेत पाहून पतीच्या संयम सुटला अन्……
• सैनिक एन्क्लेव्ह मधील एका रूममध्ये आठ मुली, बाहेर मुलांची तोबा गर्दी, पोलिसांना आला संशय अचानक टाकला छापा,अन् त्यांना धक्का बसला….
• जळगाव तालुक्यात भरदिवसा माजी उपसरपंचावर चाकू आणि चॉपरने वार करून केली निघृण हत्या.घरच्यांचा आक्रोश.
• नातवाने पत्नीची हत्या करून स्वत:ही संपविले जीवन; ज्या नातूसअंगाखांद्यावर खेळवल तो डोळ्यासमोर गेल्याने आजोबांनी पेटत्या चितेत उडी मारून दिला जीव.