Viral Video : रस्त्यावरून प्रवास करताना अनेकदा दरोडा पडल्याच्या घटना जगभरातून समोर येतात. यात गुन्हेगार दागिने घाललेल्या महिला आणि पैसे घेऊन प्रवास करणाऱ्या लोकांना लक्ष्य करतात. त्यांच्याकडून सर्व मौल्यवान वस्तू आणि रोकड काढून घेतात.
यावेळी दरोडेखोर कधी शस्त्रांचा वापर करतात तर कधी जीवे मारण्याची धमकी देतात. चोर किंवा दरोडेखोर काही सेकंदात चोरी करुन पसार होतात अशावेळी त्यांना पकडणे अवघड असते.
पण तुम्ही कधी पाहिलं आहे का, चोराने एखादी मौल्यवान वस्तू चोरली आणि ती मन बदलल्यानंतर काही क्षणात परत केली, नाही ना. पण अशाप्रकारच्या घटनेचा एक व्हिडीओ समोर आला आहे. ज्यामध्ये दोन दरोडेखोरांनी एका तरुणीच्या हातातील मौल्यवान बॅग खेचून नेण्याचा प्रयत्न केला पण तिच्यासोबत असलेला तिचा बॉयफ्रेंड घाबरून पळून गेल्याने चोरांना दया आली आणि त्यांनी तिची बॅग लगेच परत केली.
लुटण्यासाठी आलेल्या चोरांना पाहून गर्लफ्रेंडला एकटीला सोडून प्रियकर पसार…….
व्हिडीओमध्ये तुम्ही पाहू शकता की, एक गर्लफ्रेंड आणि तिचा बॉयफ्रेंड रस्त्यावरून चालताना दिसत आहे. यावेळी मागून दोन चोरटे दुचाकीवरून आले आणि त्या दोघांच्या जवळ येत त्यांना धमकावून त्यांच्याकडील मौल्यवान वस्तू हिसकावण्याचा प्रयत्न केला. यावेळी चोरांना पाहून घाबरतो बॉयफ्रेंड गर्लफ्रेंडला एकटीला सोडून पळून जातो. बिचारी गर्लफ्रेंड देखील त्याच्यामागून पळून जाण्याचा
प्रयत्न करते, मात्र बाईकवरुन आलेले चोर तिच्या जवळ येतात आणि तिच्या हातातील बॅग हिसकावून घेतात. घाबरलेली गर्लफ्रेंड देखील चोरांना काही करण्याच्या आत आपल्या हातातील बॅग चोराला देऊन टाकते आणि पळून गेलेल्या बॉयफ्रेंडकडे बघत राहते.
बॉयफ्रेंडचा हा घाबरटपणा पाहून चोरही आश्चर्यचकित होतात, यानंतर ते हावभावावरून तरुणीशी काहीतरी बोलत असल्याचे दिसत आहे. यादरम्यान चोरांच्या मनात काय येते माहित नाही पण ते तरुणीची बॅग तिला परत करतात.
कॅप्टन गरुफा नावाच्या ट्विटर अकाउंटवरून हा व्हिडीओ शेअर करण्यात आला आहे. ही घटना जवळच्या इमारतीत बसवण्यात आलेल्या सीसीटीव्ही कॅमेऱ्यात कैद झाली आहे. या व्हिडीओवर आता अनेकांनी आश्चर्य व्यक्त केले आहे, कारण एखाद्या चोराने आपल्या जवळच्या व्यक्तीवर हल्ला करण्याचा किंवा तिच्याजवळील वस्तू खेचून घेण्याचा प्रयत्न केला तर त्या व्यक्तीला आपण वाचवण्याचा प्रयत्न करुन मात्र व्हिडीओमधील तरुण आपल्यासोबतच्या तरुणीला एकटीला सोडून पसार झाला.
हे पण वाचा
- Viral Video : सोशल मीडियावर रीलसाठी एका तरुणीच्या मूर्खपणा; भररेल्वेस्थानकात असे केले कृत्य लोकांना आला संताप, पहा व्हिडिओ
- शिपायाने दोघांच्या सोबतीने 7 वेळा विषारी इंजेक्शन देऊन केली पत्नीची हत्या; हत्येचे कारण ऐकून पोलीसही झालेत सुन्न.
- 30 हून अधिक विद्यार्थीनींचे लैंगिक शोषण करून 59 अश्लील व्हिडीओ केलेत पॉर्न साईटवर पोस्ट प्राध्यापकांचे घृणास्पद कृत्य, निनावी पत्रानं प्रकरण उघडकीस.
- भुसावळ तालुक्यात दारूच्या नशेत पतीने केली पत्नीची हत्या,संशयित आरोपी पती फरार.
- चेन्नई सुपर किंग्सचा मुंबई इंडियन्सवर ४ विकेट्सनी दणदणीत विजय!
