एरंडोल l प्रतिनिधी

एरंडोल :- बँकेच्या समोर लावलेल्या मोटारसायकलच्या डिक्कीतून दोन लाख पन्नास हजार रुपये अज्ञात व्यक्तीने लंपास केल्याची घटना आज दुपारी तीन वाजेच्या सुमारास एच.डी.एफ.सी.बँकेसमोर घडली.बँकेच्या सीसीटीव्हीत चोरटा कैद झाला असून त्यास पकडण्याचे आव्हान पोलिसांसमोर उभे आहे.दरम्यान भर दुपारी बँकेसमोरून अडीच काहा रुपयांची चोरी झाल्यामुळे नागरिकांमध्ये भीतीचे वातावरण निर्माण झाले आहे.

याबाबत माहिती अशी,की येथील सम्यक इंग्लिश मेडियम स्कूलचे बांधकाम सुरु असल्यामुळे ठेकेदारास पैसे द्यावयाचे असल्यामुळे शाळेच्या प्राचार्या नितां पाटील यांनी शाळेतील शिक्षक उज्वलसिंग विजयसिंग पाटील यांना धनादेश दिलेत.उज्वलसिंग पाटील यांनी दुपारी दोन वाजेच्या सुमारास स्टेट बँकेतून तीन लाख रुपये काढले आणि दुचाकीच्या डिक्कीत ठेवले.त्यांनंतर उज्वलसिंग पाटील हे दुचाकी क्रमांक एम.एच.१९ बी.व्ही.५२८८ ने राष्ट्रीय महामार्गालगत असलेल्या दत्त कॉलनीत असलेल्या एच.डी.एफ.सी.बँकेत पैसे काढण्यासाठी गेले.

बँकेच्या समोर दुपारी तीन वाजेच्या सुमारास दुचाकी उभी करून ते बँकेत गेले असता अज्ञात चोरट्याने गाडीच्या डिक्कीतून सुमारे अडीच लाख रुपये रोख काढून पसार झाला. उज्वलसिंग पाटील हे बँकेतून बाहेर आले असता त्यांना गाडीची डिक्की उघडी दिसली.त्यांनी डिक्की उघडून पाहिली असता अज्ञात चोरट्याने डिक्कीतील तीन लाख रुपयांपैकी अडीच लाख रुपये अज्ञात चोरट्याने लंपास केल्याचे लक्षात आले आणि पन्नास हजार रुपये डिक्कीतच आढळून आल्याने ते त्वरित बँकेत गेले आणि बँकेतील सीसीटीव्ही कॅमे-याचे फुटेज पाहिले असता एक संशयित त्याठिकाणी फिरत असल्याचे दिसून आले.

अज्ञात चोरटा स्टेट बँकेपासूनच उज्वलसिंग पाटील यांचा पाठलाग करीत असण्याची शक्यता आहे.स्टेट बँकेतील सीसीटीव्हीत एक अज्ञात व्यक्ती दिसत असून तीच अज्ञात व्यक्ती एच.डी.एफ.सी.बँकेच्या सीसीटीव्हीत दिसत आहे.अडीच लाख रुपयांची चोरी झाली असल्याची माहिती उज्वलसिंग पाटील यांनी प्राचार्या नितां पाटील, डॉ.राहुल पाटील,शैला पाटील,विलास पाटील यांना दिली.याबाबत उज्वलसिंग पाटील यांनी
दिलेल्या तक्रारीवरून अज्ञात चोरट्याविरोधात गुन्हा दाखल करण्यात आलाअसून पोलीस निरीक्षक सतीश गोराडे यांचे मार्गदर्शनाखाली हवालदार सुनील
लोहार तपास करीत आहे.

हे पण वाचा

• Viral Video: पोलीस स्टेशनबाहेरच गर्लफ्रेंड आणि बॉयफ्रेंडमध्ये जोरदार राडा; दोघांनी एकमेकांना धु धु धुतले पहा धक्कादायक व्हिडिओ.
• पैशाच्या लालसेपोटी सेवानिवृत्त परिचारीकेच्या केला होता खून; या गुन्ह्यातील ३० लाखांची रक्कम नातेवाईकांना केली परत.
• शेअर मार्केटिंगसाठी लोकांकडून पैसे का घेतो असे बोलण्याच्या राग आल्याने धरणगावात वृद्ध आजीवर नातवाने केला हल्ला. अज्ञाताने हल्ला करून पळून गेल्याच्या केला बनाव.
• पारोळा शिवारात 40 वर्षीय महिलेचा डोक्यात दगड टाकून खून;महिलेची ओळख पटली,आरोपी गजाआड, पारोळा पोलिसांची कामगिरी
• दोघांच्या लग्नाला झाली १३ वर्षे, अचानक महिलेस भेटला तिच्या प्रियकर, दोघांच्या मनावर राहिला नाही ताबा अन् मग पतीने असे केले की……