जळगाव : गोळीबार करणा-या तरुणास त्याच्या ताब्यातील गावठी कट्ट्यासह अर्धा तासात गजाआड करण्यात एमआयडीसी पोलिस स्टेशनच्या गुन्हे शोध पथकाला यश आले आहे. स्वप्निल उर्फ सोपान चंदुसिंग मोरे असे गजानन पार्क कुसुंबा येथील रहिवासी असलेल्या व अटक करण्यात आलेल्या तरुणाचे नाव आहे. आकाश प्रेम तंवर आणि संतोष कोळी हे दोघे मित्र आहेत. संतोष कोळी याने स्वप्नील मोरे यास काही दिवसांपुर्वी मारहाण केली होती.
तो राग मनात ठेवत स्वप्निल मोरे याने त्याच्या ताब्यातील गावठी कट्ट्याने दोन वेळा फायर करत आकाश तंवर यास जीवे ठार करण्याचा प्रयत्न केला होता. आज सकाळी साडे दहा वाजेच्या सुमारास घडलेल्या या घटनेमुळे परिसरात आवाज झाला आणि खळबळ माजली होती. या गोळीबारानंतर फायरिंग करणारा स्वप्निल मोरे हा त्याचे मित्र अजय पाटील आणि विपुल पाटील या दोघांसह मोटार सायकलने पळून गेला होता. आकाश तंवर याने दिलेल्या फिर्यादीनुसार एमआयडीसी पोलिस स्टेशनला रितसर गुन्हा दाखल करण्यात आला होता.
तपासाअंती गोळीबार करणारा स्वप्नील मोरे हा जळगाव नजीक मन्यारखेडा येथे असल्याची माहिती पो.नि. जयपाल हिरे यांना समजली. त्या माहितीच्या आधारे पो.नि. जयपाल हिरे यांच्या पथकातील पोउनी दिपक जगदाळे, सहायक फौजदार अतुल वंजारी, पोना. सुधीर सावळे, इमरान सैय्यद, सचीन मुंढे, योगेश बारी, किशोर पाटील, सचीन पाटील, मुदतसर काझी, मुकेश पाटील, छगन तायडे, किरण पाटील,साईनाथ मुंढे, महीला पो. ना. निलोफर सैय्यद आदींनी स्वप्निल मोरे यास मन्यारखेडा फाटा येथून शिताफीने ताब्यात घेतले.
त्याच्या कब्जातील गुन्ह्यात वापरलेले विस हजार रुपये किमतीचा गावठी कट्टा आणि एक जिवंत काडतुस हस्तगत करण्यात आले आहे. अटकेतील स्वप्निल मोरे यास न्यायालयात हजर केले जाणार आहे. या गुन्हयाचा तपास पोउनी दिपक जगदाळे आणि योगेश बारी हे करत आहेत. अवघ्या अर्ध्या तासात या गुन्ह्यातील फायरिंग करणा-या स्वप्निल मोरे यास जेरबंद केल्यामुळे पोलिस अधिक्षक एम. राजकुमार यांनी तपास पथकाचे अभिनंदन केले आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
