जळगाव :- शहरासह जिल्ह्यात दुचाकी चोरट्यांनी धुमाकूळ घातला आहे. दिवसेंदिवस दुचाकी चोरीच्या घटना वाढत असल्याने वाहनधारकांमध्ये भीतीचे वातावरण निर्माण झाले आहे.यातच जिल्ह्यातील वेगवेगळ्या ठिकाणी दुचाकी व मोबाईल चोरी करणाऱ्या तीन चोरट्यांचे जळगाव स्थानिक गुन्हे शाखेच्या पथकाने मुसक्या आवळल्या. तिघांकडून चोरीच्या दोन दुचाकी आणि दोन मोबाईल असा मुद्देमाल हस्तगत करण्यात आला आहे.
जळगाव तालुका पोलीस स्टेशनसह धरणगाव पोलीस स्टेशन आणि एमआयडीसी पोलीस ठाण्यात मोबाईल चोरी आणि दुचाकी चोरीचे गुन्हे दाखल आहे. या गुन्ह्यातील संशयित आरोपी हे धरणगाव शहरातील आणि जळगावातील असल्याची गोपनिय माहिती जळगाव स्थानिक गुन्हे शाखेचे वरीष्ठ पोलीस निरीक्षक किसन नजन पाटील यांना मिळाली.
त्यानुसार पथकाने धरणगाव शहरातून संशयित आरोपी राजू भिमसिंग बारेला (वय-२३) आणि दिपक सुमऱ्या बारेला (वय-२९) दोन्ही रा. मधुकर नगर, धरणगाव यांना अटक केली. दोघांकडून चोरीच्या दोन दुचाकी आणि एक मोबाईल हस्तगत केला.
तर दुसऱ्या पथकाने संशयित आरोपी रमेश फुलसिंग देवरे (वय-२३) रा. श्रीकृष्ण लॉनी, जळगाव याला जळगावातून अटक केले. त्याच्याकडून १ चोरीचा मोबाइल हस्तगत केला आहे. पुढील कारवाईसाठी धरणगावातील दोघांना जळगाव तालुका पोलीसांच्या ताब्यात देण्यात आले तर जळगावातील चोरट्यांला एमआयडीसी पोलीसांच्या स्वाधिन केले आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
