जालना :- एक धक्कादायक घटना घडली आहे. यामुळे संपूर्ण जालना शहर हादरलं आहे. यामध्ये सध्या अधिकचा म्हणजे धोंड्याचा महिना चालू आहे. चालीरीतीमुळे या महिन्यात लेक जावयाचे अनन्यसाधारण महत्त्व असते.
जावयाला दान देत मुलगी आणि जावयाला धोंडे जेवण करण्याची प्रथा महाराष्ट्रात आहे. पण, या महिन्यात मेव्हणे आणि सासऱ्याने आपल्या जावयाचा खून केला आहे. या घटनेमुळे संपूर्ण शहरात मोठी खळबळ उडाली आहे.
काय घडले नेमके?
कृष्णा धोंगडे (वय 40) असे मृत जावयाचे नाव आहे. त्यांचे शहरातील सेलू रोडवर औषधाचे दुकान आहे. धोंगडे आणि त्यांचे सासरे संशयित नरहरी रोकडे, मेहुणा पांडुरंग रोकडे, पवन रोकडे यांच्यात शेतातील पाण्याचा वाद सुरू होता. हा राग टोकाला गेल्याने अखेर सासरे आणि मेव्हण्याने जावयाची हत्या करायचे ठरवले. 8 ऑगस्टच्या रात्री 10 वाजता कृष्णा धोंगडे हे मेडिकल बंद करून त्यांच्या घराकडे जात होते. यादरम्यान शहराबाहेरील साईबाबा मंदिराजवळ संशयित सासरे नरहरी रोकडे, मेहुणा पांडुरंग रोकडे, पवन रोकडे आणि शंकर पतंगे यांनी कृष्णा यांचा रस्ता अडवून खोऱ्याच्या दांड्याने मारहाण केली.
या मारहाणीत कृष्णा धोंगडे गंभीर जखमी झाले. यानंतर त्या ठिकाणच्या काही लोकांनी कृष्णा यांना छत्रपती संभाजीनगर येथे उपचारासाठी दाखल केले मात्र त्यांचा उपचारादरम्यान मृत्यू झाला.याप्रकरणी सागर गुणाजी धोंगडे यांच्या फिर्यादीवरून परतूर पोलिसांत चौघांना जणांविरुद्ध खुनाचा गुन्हा दाखल करण्यात आला. यातील तीन आरोपींना अटक करण्यात आली आहे. मृत कृष्णा यांच्या माघारी आई, वडील, पत्नी, बहीण, तीन मुली, मुलगा असा परिवार आहे. पोलिस निरीक्षक मच्छिंद्र सुरवसे यांच्या मार्गदर्शनाखाली पोलिस उपनिरीक्षक केंदे या प्रकरणाचा पुढील तपास करत आहेत. या घटनेमुळे सगळीकडे हळहळ व्यक्त केली जात आहे.
हे पण वाचा
- चोपडा नगरपरिषदेचे मुख्याधिकारी राहुल पाटील यांची पंढरपूर वारी सायकलीने.
- सावदा बसस्थानकात महिलेच्या गळ्यातील मंगळसूत्र चोरणाऱ्या महिलेस अटक.
- एरंडोल येथील उड्डाणपुलाजवळ रस्त्यात खड्डा पडल्याने अडकत आहेत अनेक वाहन; सदर खड्डा कोण बुजवणार मोठा प्रश्न ?
- सावदा बसस्थानकात महिलेच्या गळ्यातील मंगळसूत्र चोरणाऱ्या महिलेस अटक.
- सावदा बसस्थानकात महिलेच्या गळ्यातील मंगळसूत्र चोरणाऱ्या महिलेस अटक.
