यवतमाळ :- स्वातंत्र्य दिनाच्या पूर्वसंध्येला यवतमाळ जिल्ह्यातील उमरखेड तालुक्यात निगनूर येथे धक्कादायक तसेच मनाला चटका लावणारी घटना घडली. एका आईने आपल्या दोन चिमुकल्या विष पाजून स्वत:ही विषाचा घोट घेत आपले जीवन संपवले.
तिने हे टोकाचे पाऊल का उचलले हे अद्याप समजू शकलेलले नाही. रेश्मा नितीन मुडे (वय २८)असे आईचे मृत्यूमुखी पडलेल्या आईचे नाव आहे तर श्रावणी नितीन मुडे (वय ६) आणि सार्थक नितीन मुडे (वय ३) असे मृत चिमुकल्यांची नावे आहेत.
पोलिसांनी दिलेल्या माहितीनुसार सोमवारी सायंकाळच्या सुमारास रेश्मा मुडे यांनी आधी दोन बालकांना विष पाजले. यानंतर त्यांनी स्वतःही विष प्राशन केले. त्यांची प्रकृती खराब झाल्यावर कुटुंबातील सदस्यांना ही बाब लक्षात आली. त्यावेळी त्यांनी तातडीने रेश्मा, सार्थक आणि श्रावणी या तिघांनाही तातडीने सवना येथील ग्रामीण रुग्णालयात दाखल केले. मात्र, त्या आधीच दोघांचा मृत्यू झाला होता. तर श्रावणीला पुढील उपचारासाठी पुसद येथील उपजिल्हा रुग्णालयात दाखल करण्यात आले. मात्र, उपचारदरम्यान तिचाही मृत्यू झाला.
दरम्यान, रेशमाने अचानकपणे येवढे मोठे पाऊल का उचलले आणि आत्महत्या का केली? हे स्पष्ट झाले नाही. पोलिसांनी महागाव पोलीस ठाण्यात आई रेश्मा नितीन मुडे आणि सार्थक मुंडे, यांच्या मृत्यूप्रकरणी महागाव पोलीस ठाण्यात गुन्हा दाखल करण्यात आला आहे. तर श्रावणीचा मृत्यू पुसद येथील दवाखान्यात झाला त्यामुळे तिचा मृत्यूची नोंद पुसद पोलिस ठाण्यात करण्यात आली आहे.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
