मुखेड : मुलीने प्रेमसंबंध ठेवल्याने अल्पवयीन मुलीची वडिलांनी हत्या केली. या प्रकरणी पोलिसांनी अल्पवयीन मुलीच्या बापास बेड्या ठोकल्या आहेत. आण्णाराव राठोड असे ताब्यात घेण्यात आलेल्या आरोपीचे नाव आहे.शामका आण्णाराव राठोड (वय १६) असे खून करण्यात आलेल्या अल्पवयीन मुलीचे नाव आहे. दरम्यान, मुलीने फाशी घेतली असल्याचा बनाव आरोपी बापाने केला होता. पोलीस तपासात या संपूर्ण प्रकरणाचा उलगडा झाला आहे.
याबाबत अधिकची माहिती अशी की, मयत शामका राठोड हिचे चुलत आत्याच्या मुलाशी प्रेम संबंध होते. त्याच्याशीच विवाह करणार असा तिचा आग्रह होता. मात्र, मुलगा हा व्यसनाधारी असल्यामुळे मुलीच्या वडिलांस ते मान्य नव्हते. वारंवार मुलीस वडिलांनी समजावून सांगितले. पण, प्रेमाचे भूत हे काही निघत नव्हते. त्यामुळे आरोपी अण्णाराव राठोड याने मुलीस वारंवार सांगूनही ऐकत नसल्याने बापाने पोटच्या मुलीचा राहत्या घरातच तोंड दाबून खून केला.
मुलीने मानसिक दबावातून फाशी घेतली आहे, असा बनाव करुन पुरावा नष्ट करण्याच्या हेतूने लगेच आरोपी बापाने मुलीचा अंत्यसंस्कार केला होता. त्यामुळे संशयाची पाल कुठे तरी चुकचुक करीत असल्याने ही घटना मुक्रमाबाद पोलीस स्टेशनच्या हद्दीत घडल्यामुळे इन्व्हिस्टीगेशन टीम सह पोलिसांचा ताफाचं ताफा घटनास्थळी तपासाकरिता दाखला झाला. तपासासाठी राख व हाडाचे नमुने घेण्यात आले होते. यानंतर याप्रकरणी पोलिसांनी आरोपी बापास ताब्यात घेतले आहे. मयत शामका राठोड हिच्या आईने दिलेल्या फिर्यादीवरून आरोपीविरोधात फिर्याद दिली आहे.
हे पण वाचा
- Viral Video: पोलीस स्टेशनबाहेरच गर्लफ्रेंड आणि बॉयफ्रेंडमध्ये जोरदार राडा; दोघांनी एकमेकांना धु धु धुतले पहा धक्कादायक व्हिडिओ.
- पैशाच्या लालसेपोटी सेवानिवृत्त परिचारीकेच्या केला होता खून; या गुन्ह्यातील ३० लाखांची रक्कम नातेवाईकांना केली परत.
- शेअर मार्केटिंगसाठी लोकांकडून पैसे का घेतो असे बोलण्याच्या राग आल्याने धरणगावात वृद्ध आजीवर नातवाने केला हल्ला. अज्ञाताने हल्ला करून पळून गेल्याच्या केला बनाव.
- पारोळा शिवारात 40 वर्षीय महिलेचा डोक्यात दगड टाकून खून;महिलेची ओळख पटली,आरोपी गजाआड, पारोळा पोलिसांची कामगिरी
- दोघांच्या लग्नाला झाली १३ वर्षे, अचानक महिलेस भेटला तिच्या प्रियकर, दोघांच्या मनावर राहिला नाही ताबा अन् मग पतीने असे केले की……
