एरंडोल :-सकाळी फिरायला गेलेल्या ६९ वर्षीय वृद्धेस धरणगाव रस्ता कोठे आहे असे विचारून मोटारसायकलवरून आलेल्या तीन अज्ञात चोरट्यांनी वृद्धेच्या गळ्यातील सोन्याचे मंगळपोत ओढून नेल्याची घटना आज सकाळी साडेसहा वाजेच्या सुमारास शासकीय विश्रामगृहासमोरील रस्त्यावर घडली.मंगळसूत्र ओढून पळून जाण्याच्या प्रयत्नात असलेल्या चोरट्यांचा मोबाईल घटनास्थळीच पडला असून पोलीस मोबाईलच्या माध्यमातून चोरट्यांचा शोध घेत आहेत.
याबाबत माहिती अशी,की परदेशी गल्लीमधील रहिवासी श्रीमती विमलबाई लक्ष्मण चौधरी (वय-६९) ह्या नेहमीप्रमाणे सकाळी शासकीय विश्रामगृहासमोरील
रस्त्यावर फिरायला गेल्या होत्या. विमलबाई चौधरी ह्या विश्रामगृहाच्या पुढे चालत असतांना मोटार सायकलवरून तीन युवक आले आणि त्यांच्या जवळ थांबून धरणगाव रस्ता कोठे आहे असे विचारले.विमलबाई चौधरी यांनी धरणगाव रस्ता मागे राहिला असल्याचे सांगितले असता त्यांनी पुढे रस्ता आहे का असे विचारून चौकशी केली.
त्यानंतर आजी मला लघुशंका करायची आहे असे तुम्ही पुढे जा असे एका युवकाने त्यांना सांगितले.विमलबाई चौधरी पुढे चालत असतांना मोटार सायकलवरील दोन जन पुढे निघून गेले व मागे असलेल्या युवकाने विमलबाई चौधरी यांच्या गळ्यातील ३५ gram वजनाची सोन्याची मंगलपोत ओढण्याचा प्रयत्न केला. विमलबाई चौधरी यांनी त्यास प्रतिकार केला असता त्यांना खाली पाडून मंगलपोत ओढली आणि जवळच असलेल्या मक्याच्या शेतातून पळ काढला. मोटारसायकलवरील दोन युवक पुढे उभे होते त्यावेळी विमलबाई चौधरी यांनी आरडाओरड केली
त्याचवेळी दत्त मंदिराकडून येत असलेल्या करण दिलीप परदेशी या युवकाने मोटारसायकलवरील युवकांना पकडण्याचा प्रयत्न केला.मात्र झटापटीत मोटारसायकलवरील एका युवकाचा मोबाईल खाली पडला व ते पळून गेले. विमलबाई चौधरी यांनी चोरट्यांना प्रतिकार करून मंगलपोत घट्ट धरून ठेवल्यामुळे अर्धवट तुटलेली सुमारे सतरा gram वजनाची आणि ७२ हजार रुपये
किमतीची सोन्याची पोत चोरट्यांनी लांबवली तर उर्वरित पोत विमलबाई चौधरी यांच्या साडीत अडकली असल्यामुळे सुरक्षित राहिली.याबाबत विमलबाई चौधरी
यांनी दिलेल्या तक्रारीवरून अज्ञात चोरट्याविरोधात गुन्हा नोंदवण्यात आला असून पोलीस अज्ञात चोर्त्यांचा शोध घेत आहेत.
#हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
