मुलगा मयत झाल्याचे समजून केला होता अंत्यविधी, एखाद्या चित्रपटाला शोभावी अशी ही स्टोरी
मुजफ्फरनगर (उत्तर प्रदेश):- आठ महिन्यांचे बाळ, पत्नी, भाऊ व आई-वडील असा गरीब, पण सुंदर परिवार सोडून एक प्रकाश तेलामी तरुण निघून गेला. भरकटत तो उत्तर प्रदेशला गेला अन् तिकडेच रमला.इकडे वाटेकडे डोळे लावून बसलेले कुटुंबीय थकले. पोलिसांनाही त्याला शोधण्यात यश आले नाही. कुटुंबीयांनीही त्याच्या परतीची आशा सोडली
व चिमुकल्याचा विचार करून त्याच्या पत्नीचे दिराशी लग्न लावून दिले. २५ ऑगस्टला अचानक तब्बल १५ वर्षांनी मुलगा घरी परतला अन् कुटुंबीयाला धक्काच बसला. एखाद्या चित्रपटाला शोभावी अशी ही स्टोरी चामोर्शी तालुक्यातील हळदवाही गावात उघडकीस आली. प्रकाश मनोहर तेलामी (३८, रा. हळदवाही) असे त्या तरुणाचे नाव १५ वर्षांपूर्वी तो अचानक आई वडील, पत्नी व ८ महिन्यांच्या बाळाला घरी ठेवून गायब झाला.
इकडे कुटुंबीयांनी आदिवासी रिवाजाप्रमाणे अंत्यविधी केले. नातेवाइकांनी दुसरा मुलगा नंदेश्वर मनोहर तेलामी याच्यासोबत प्रकाशच्या पत्नीचा विवाह लावून दिला. त्यानंतर त्यांना एक मुलगा करण व मुलगी दर्पणा आहे. १५ वर्षांचा मोठा कालावधी लोटल्याने प्रकाशची पत्नी व भाऊ यांचा संसार सुरळीत सुरू होता, अशातच २५ ऑगस्टला प्रकाश घरी परतला.
मनपरिवर्तन झाल्याने परतला गावी…….
प्रकाश तेलामीने घर का सोडले होते याबद्दल तो काही सांगत नाही. पण तो चामोर्शीतून भटकत उत्तर प्रदेशच्या मुजफ्फरनगरातील गावदवळी (ता. बंगरा) गावी पोहोचला. तेथे एका शेतमालकाकडे कामाला राहिला. तो कामाच्या मोबदल्यात फक्त जेवण देत होता. आठ महिन्यांपूर्वी त्याने काम सोडले व दुसऱ्या शेतमालकाकडे काम सुरु केले. या कामाचे त्याच्याजवळ २० हजार रुपये साचले. मनपरिवर्तन झाल्याने गावी पोहोचलो.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
