कंडक्टरचा मित्राने संबंधित व्हिडीओ डिलीट करण्याचं आमिष दाखवत त्यानेही पीडितेवर केला. बलात्कार
नवी दिल्ली :- ट्रान्सपोर्ट कॉर्पोरेशन अर्थात डीटीसीच्या बस कंडक्टरने एका महिलेवर बलात्कार केल्याची धक्कादायक घटना समोर आली आहे. आरोपीनं पीडित महिलेला देवाचा प्रसाद खायला देत राक्षसी कृत्य केलं आहे.आरोपीने दिलेला प्रसाद खाल्ल्यानंतर पीडितेला गुंगी आली. यानंतर आरोपीनं पीडितेवर बलात्कार केला. नराधम आरोपी एवढ्यावरच थांबला नाही, तर त्याने तक्रारदार महिलेचे अश्लील फोटो आणि व्हिडीओज शूट केले. याप्रकरणी गुन्हा दाखल केला असून घटनेचा पुढील तपास केला जात आहे.
‘एएनआय’ने दिलेल्या वृत्तानुसार, बुधवारी तिमरपूर पोलीस ठाण्यात आरोपी बस कंडक्टरसह त्याच्या एका मित्रावर गुन्हा दाखल केला आहे. पोलिसांनी एका आरोपीला अटक केली असून अन्य एक आरोपी फरार आहे. पोलिसांनी दिलेल्या माहितीनुसार, पीडित महिला २०१४ ते २०१७ या कालावधीत डीटीसीमध्ये टायपिस्टची नोकरी करत होत्या. पण त्यांना बाळ झाल्यानंतर त्यांनी नोकरी सोडली.दरम्यान, एकेदिवशी आरोपी कंडक्टर पीडित महिलेच्या घरी देवाचा प्रसाद घेऊन आला होता.
आरोपीनं दिलेला प्रसाद खाल्ल्यानंतर काही सेकंदात पीडितेला गुंगी आली. यावेळी पीडितेच्या बेशुद्धावस्थेचा गैरफायदा घेत आरोपीनं तिच्यावर बलात्कार केला. नराधम आरोपी एवढ्यावरच थांबला नाही, तर त्याने पीडितेचे अश्लील फोटो आणि व्हिडीओ शूट केले. त्यानंतर त्याने महिलेला ब्लॅकमेल करायला सुरुवात केली. या त्रासाला कंटाळून पीडितेनं ब्लॅकमेलिंगची माहिती आरोपीच्या मित्राला दिली. आरोपीच्या मित्राने संबंधित व्हिडीओ डिलीट करण्याचं आमिष दाखवत त्यानेही पीडितेवर बलात्कार केला. यानंतर पीडित महिलेनं बुधवारी तिमरपूर पोलीस ठाण्यात दोघांविरुद्ध तक्रार दाखल केली. घटनेचा पुढील तपास पोलीस करत आहेत.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
