यावल तहसिलदारांना महसूल कर्मचाऱ्यांनी दिले निवेदन
यावल : तालुक्यातील शिरसाड जवळ महिला मंडळ अधिकारी यांच्यावर वाळू माफियाने हल्ला केला होता आणि ट्रॅक्टर पळवून नेले होते. तेव्हा या घटनेचा निषेध करीत जळगाव जिल्हा तलाठी संघ, मंडळ अधिकारी व कर्मचारी महसूल कर्मचाऱ्यांनी तहसील कार्यालयात या घटनेचा निषेध केले व तहसिलदारांना निवेदन देत जोपर्यंत संबंधित संशयीतांना अटक होत नाही तोपर्यंत काम बंद आंदोलन पुकारले आहे. या संदर्भातील निवेदन जिल्हाधिकारी कार्यालयात देखील देण्यात आले आहे.
यावल येथील तहसील कार्यालय तलाठी संघटना, मंडळ अधिकारी संघटना व महसूल कर्मचारी संघटना यांच्या वतीने तहसिलदार मोहनमाला नाझीरकर यांच्या कडे निवेदन देण्यात आले आहे व शिरागड येथे महिला मंडळ अधिकारी बबीता चौधरी यांच्यावर वाळू माफिया ने केलेल्या हल्ल्याचा निषेध केला आहे. व जोपर्यंत संबंधित संशयीतांना अटक होत नाही तोपर्यंत काम बंद आंदोलन कर्मचाऱ्यांनी पुकारले आहे.
सदरचे निवेदन तहसीलदार मोहनमाला नाझीरकर यांच्याकडे निवासी नायब तहसीलदार संतोष विनंते, नायब तहसीलदार रशीद तडवी, मंडळ अधिकारी सचिन जगताप, मिलिंद देवरे, हनीफ तडवी, मिलींद देवरे, एस. एल. पाटील, मीना तडवी, तलाठी ईश्वर कोळी, एस. व्ही. सूर्यवंशी, वसीम तडवी, सुचिता देशभ्रदार, हेमा सांगोळे, स्मिता कोळी सह आदींच्या वतीने देण्यात आले आहे तसेच संघटनेच्या सर्व पदाधिकारींनी जळगाव येथे जावुन जिल्हाधिकारी यांच्या कडे देखील निवेदन दिले आहे.
हे पण वाचा
- युतीचे नगराध्यक्ष पदाचे उमेदवार डॉ.नरेंद्र ठाकुर व प्रभाग क्रमांक ३ चे उमेदवार यांच्या प्रचारार्थ भव्य प्रचार रॅली व कॉर्नर सभाचे आयोजन.
- पिंपरखेड घटने प्रकरणी एक आरोपी अटक; भडगांव पोलिसात खुनाच्या गुन्ह्यासह ॲट्रोसिटी ॲक्ट अन्वये गुन्हा दाखल
- एरंडोल येथे मॉर्निंग वॉक करुन परतणाऱ्या महसूल कर्मचाऱ्याचा डंपरच्या धडकेत जागीच मृत्यू
- अश्लील फोटो व्हायरल करण्याची धमकी; भडगाव पोलिसात एका जणांविरुद्ध पोस्को कायद्यांतर्गत गुन्हा दाखल
- एरंडोलला युतीतर्फे भाजपचे डॉ.नरेंद्र ठाकूर यांना नगराध्यक्षपदाची उमेदवारी जाहीर
