फडणवीस यांच्या विरोधात घोषणा देतेवेळी शाब्दिक वाद जामनेर(प्रतिनिधी):- जालना जिल्ह्यातील लाठीचार्ज घटनेचा निषेध म्हणून जामनेर तालुक्यातील सकल मराठा समाजाकडून राजमाता जिजाऊ चौकात ठिय्या आंदोलन करण्यात आले.ठिय्या आंदोलनात विविध पक्ष,संघटना यांनी पाठिंबा नोंदविला.राज्य शासनाच्या नाकर्तेपणामुळे सकल मराठा समाजाच्या वतीने राज्यव्यापी आंदोलन करूनही आरक्षणाचा तिढा निकाली लागत नसल्याने शासनाच्या उदासीन कारभार चव्हाट्यावर आला असल्याचे ठिय्या आंदोलना दरम्यान वक्त्यांनी बोलुन दाखवले.
जालना जिल्ह्यातील लाठीचार्जची जबाबदारी राज्याचे गृहमंत्री फडणवीस यांनी घेऊन त्यांनी त्वरित राजीनामा द्यावा अशी मागणी आंदोलनच्या वेळी करण्यात आली. सकल मराठा समजाच्या ठिय्या आंदोलनावेळी वंदना चौधरी, संजय गरूड, दिलीप खोडपे,डॉ.प्रशांत पाटील, किशोर पाटील, नाना पाटील,किरण पाटील, एस.टी. पाटील, शंकर राजपूत, अशफाक पटेल, राजू खरे,प्रदीप गायके, मनोज महाले,राहुल चव्हाण,प्रल्हाद बोरसे,जावेद मुल्लाजी,किशोर खोडपे,अनिल बोहरा, माधव चव्हाण,आदिसह समाज बांधव व विविध पक्षातील पदाधिकारी कार्यकर्ते उपस्थित होते.मात्र यावेळी भाजपातील पदाधिकारी व कार्यकर्ते यांनी आंदोलनात जवळपास सहभागी होण टाळल्याचे जाणवलं.एकंदरीत भाजपा सोडुन सगळ्या पक्षांनी निषेधात सहभागी नोंदविला.
ठिय्या आंदोलनात राष्ट्रवादी कॉंग्रेसच्या महिला जिल्हाध्यक्षा वंदना चौधरी या बोलत असताना. त्यांनी देवेंद्र फडणवीस यांच्या विरोधात घोषणा देत असताना उपस्थित असलेले भाजपा तालुकाध्यक्ष चंद्रकांत बाविस्कर यांनी घोषणाबाजी वर आक्षेप घेतला.यावेळी थोडे शाब्दिक वाद झाले.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
