04 गोवंश जनावरांची कत्तल होण्यापासुन केली मुक्तता
चाळीसगांव :- शहर पोलीस स्टेशनचे पोलीस निरीक्षक संदीप पाटील यांना चाळीसगांव शहरातील हुडको कॉलनी व नागदरोड परिसरात मांसासाठी गोवंश जातीच्या जनावरांचा कत्तलीसाठी वापर होतो याबाबत संशय होता म्हणुन सदर परिसरात रात्रौच्या वेळी सतर्कतेने गस्त करणारे पोलीस अधिकारी व अंमलदार यांना सुचना देण्यात आल्या होत्या. आज दिनांक 08/09/2023 रोजी पहाटे 04.00 वाजेच्या सुमारास पोउनि/श्री योगेश माळी, पोहेकॉ/नितीन वाल्हे, पोना/महेंद्र पाटील, पोशि/रविंद्र बच्छे, ज्ञानेश्वर गिते, ज्ञानेश्वर पाटोळे, पवन पाटील, भरत गोराळकर

असे शासकीय वाहनाने गस्त करीत असतांना चाळीसगांव शहरातील सदानंद हॉटेल जवळ दोन संशयीत इसम एका मोटारसायकलवर एका पिशवीत काहीतरी घेवुन जातांना दिसल्याने त्यांच्यावर संशय बळावल्याने त्यांना पोलीसांनी थांबविण्याचा इशारा केला असता ते पळुन जात असतांना त्यांचा पोलीसांनी पाठलाग करुन इसम नामे 1)शेख अनिस शेख गफुर कुरेशी वय 48 रा. उर्दु बालवाडीचे पाठीमागे मोहम्मदीया मशिद समोर इस्लामपुरा चाळीसगाव, 2) मुस्ताक खान हारुण खान कसाई वय 40 रा. अमोल बुट हाउसच्या बाजुला रथगल्ली, कसाईवाडा चाळीसगाव यांना छाजेड आँईल मील जवळ पकडले.

त्यांची अंगझडती घेतली असता त्यांच्या ताब्यातील पिशवीमध्ये एक लहान लाकडी दांड्याची लोखंडी धारदार कुऱ्हाड, दोन लोखंडी धारदार सुरे व धार लावण्याची गोलाकार लांब कानस मिळुन आल्याने नमुद वस्तुबाबत विचारपुस करता त्यांनी सांगितले कि, इसम नामे शेख अनिस शेख गफुर याचे घराजवळ असलेल्या त्याचे गोठ्यात गोवंश जातीचे जनावराची कत्तल करण्यासाठी जात असल्याचे माहीती दिली. लागलीच सदरची माहीती पोलीस निरीक्षक, संदिप पाटील, सपोनि/सागर ढिकले यांना कळवुन, ते हजर होताच

दोन पंचासमक्ष एकुण 45,000/- रुपये किमती 04 गोवंश जातीचे जनावरे व 48,000/- रुपये किमतीचा गोवंश कत्तल करण्यासाठी लागणारा इतर मुद्देमाल असा एकुण 93,000/- रुपये किमतीचा मुद्देमाल सदर ठिकाणावरुन जप्त करुन, नमुद इसमांविरुध्द चाळीसगांव शहर पो.स्टे. गु.र.नं. 445/2023 महाराष्ट्र पशु संरक्षण अधिनियम 1976 चे कलम 5, 11 सह महाराष्ट्र पोलीस अधिनियम 1951 चे कलम 37(1)(c) चे उल्लंघन 135 प्रमाणे गुन्हा दाखल करण्यात आला आहे. गुन्ह्यातील आरोपीतांना ताब्यात घेवुन, ताब्यात घेण्यात आलेली गोवंश जनावरे ही गोशाळेत जमा करण्यात आलेली आहेत.

वरिल कार्यवाही मा. पोलीस अधिक्षक सो. श्री एम. राजकुमार, मा. अपर पोलीस अधिक्षक सो. श्री रमेश चोपडे, मा. सहा. पोलीस अधिक्षक सो. श्री अभयसिंह देशमुख यांच्या सुचना व मार्गदर्शनाखाली पोलीस निरीक्षक, संदीप पाटील, तसेच सपोनि/सागर ढिकले, पोउपनि योगेश माळी, पोहेकॉ/नितीन वाल्हे, पोना/महेंद्र पाटील, रविंद्र बच्छे, ज्ञानेश्वर गिते, ज्ञानेश्वर पाटोळे, पवन पाटील, भरत गोराळकर सर्व. नेम चाळीसगांव शहर पो.स्टे. यांनी केली आहे. सदर गुन्ह्याचा तपास पोना/महेंद्र पाटील नेम. चाळीसगांव शहर पो.स्टे. हे करीत आहेत.

हे पण वाचा

• अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
• एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
• खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
• एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
• ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.