Viral Video : गोविंदा आला रे आला च्या जयघोषात आज दिवसभर राज्यभरात गोकुळ अष्टमीचा उत्सव मोठ्या थाटामाटात पार पडणार आहे. दहीहंडी निमित्त अनेक बालगोपाळ तसेच गोविंदा पथक आपल्याला रस्त्यावरती पाहायला मिळणार आहेत.ठाण्यासह मुंबई येथील दही हंडी उत्सव नेहमीच लक्षवेधी आणि चर्चेचा असतो. त्यामुळे यंदा दहीहंडी पथकांकडून थरांवर थर हे पाहायला मिळणार असले तरी दहा थर कोण लावणार याकडे साऱ्यांचे लक्ष लागले आहेत.
या उत्सवात आता मुलीही मागे नाहीत. मुलींची गोविंदा पथकेही आता मोठ्या प्रमाणावर तयार झाली आहेत. महिनाभर आधीपासूनच दहीहंडीची तयारी आणि सराव सुरु होतो. याच उत्साहात भर पाडणारा एक व्हिडीओ सोशल मीडियावर व्हायरल होत आहे. या व्हिडीओमधील सर्वांत खास गोष्ट म्हणजे नऊवारी नेसलेल्या एका आजीबाईंनी थरावर चढून ही दहीहंडी फोडली आहे.
या व्हिडीओमध्ये तुम्ही पाहू शकता, सर्व महिला या दहीहंडी फोडण्यासाठी जमल्या आहेत. यावेळी या महिलांनी २ थर लावले आहेत. तर हंडी फोडण्यासाठी या आज्जी दुसऱ्या थरावर चढल्या आहेत. व्हिडीओ पाहताना सुरुवातीला या आजी पडत आहेत की काय अशी भीती वाटते. मात्र दुसऱ्याच क्षणाला त्या आपल्या डोक्याने ही हंडी फोडतात. हे दृश्य पाहून भल्याभल्यांना धक्का बसला आहे. हा व्हिडीओ पाहून तुम्हीही म्हणाल हौशेला मोल नाही..या वयातही आज्जींचा उत्साह पाहून सगळेच अवाक् झाले आहेत.
हा गेल्यावर्षीचा कोकणातील व्हिडीओ आहे, मात्र आज दहिहंडीनिमित्त पुन्हा एकदा व्हायरल झाल आहे.उंचच उंच थर लावून दहीहंडी फोडण्याची मजा काही औरच असते. अन् त्यामध्ये जर का रिमझिम पाऊस असेल तर मग काय विचारायलाच नको. शिवाय जागोजागी आयोजित केलेल्या दही हंडी स्पर्धांमुळे गोविंदा पथकांमधील उत्साह आणखीनच वाढलाय.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
