जळगाव :- जिल्हा काँग्रेस कमिटीतर्फे जनसंवाद यात्रा काढण्यात आली. या रॅलीत दोन मोटारसायकलींची समोरासमोर धड़क होवून यात्रेत सहभागी झालेला भूवणेश दालूराम तेजारा ( वय १९, रा. केन्हाळा भोकरी, ता. रावेर, मुळ रा. राजस्थान) हा विद्यार्थी जागीच ठार झाला. ही घटना मंगळवारी (दि.१२) दुपारी तीन वाजेच्या सुमारास कोचूर ते सावदा दरम्यान घडली.
या यात्रेनंतर भुवणेशची एनएसयूआयच्या अध्यक्षपदी निवड होणार होती, परंतु त्यापुर्वीच काळाने त्याच्यावर झडप घातल्याने सर्वत्र हळहळ व्यक्त केली जात होती. जिल्हा काँग्रेस कमिटीकडून मंगळवारी खिरोदा ते सावादा पर्वत जनसंवाद यात्रेचे आयोजन करण्यात आले होते. या रॅलीमध्ये फैजपूर येथील धनाजी नाना चौधरी महाविद्यालयातील बीसीएचा द्वितीय वर्षांचा विद्यार्थी भुणेश चेजारा याच्यासह अन्य विद्यार्थी देखील सहभागी झाले होते.
रॅली खिरोदा येथून निघाल्यानंतर कोचूर ते सावदा दरम्यान भुणेश व त्याचा मित्र बुद्धभूषण हे जात असलेल्या दुचाकीला समोरुन येणाऱ्या दुचाकीने जोरदार धडक दिली. या अपघातात दोन्ही दुचाकीवरील दुचाकीस्वारांसह मागे बसलेले देखील रस्त्यावर कोसळले. यात भुणेशच्या डोक्याला गंभीर दुखापत झाली. अपघातानंतर दोन्ही विद्यार्थ्यांना रुग्णालयात हलवित असताना धडक देणाऱ्या दुचाकीचा चालकासह मागे बसलेली महिला तेथून निघून गेली.
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
