पाटणा (बिहार) : कौटुंबिक वादातून दोन पत्नींनी मिळून नवऱ्याची हत्या केल्याची घटना सारण जिल्ह्यात घडली आहे. पोलिसांनी दोन्ही पत्नींना ताब्यात घेतले असून, पुढील तपास करत आहेत. आलमगीर अन्सारी (वय 45, रा बेदवलिया) हत्या झालेल्या पतीचे नाव आहे. आलमगीर अन्सारी याच्या हत्येप्रकरणी पोलिसांनी त्याची पहिली पत्नी सलमा खातून आणि दुसरी पत्नी अमीना खातून या दोघींनाही ताब्यात घेतले आहे.
आलमगीरचा भाऊ वसीम अन्सारी याने दिलेल्या माहितीनुसार, ‘आलमगीरच्या पहिल्या पत्नीला दोन मुलं आहेत. तो दोन्ही पत्नी आणि मुलांसह एकाच घरात राहत होता. दोन्ही पत्नींसोबत आलमगीरचे जोरदार भांडण झाले होते. दोघींनी घरातला खंजीर घेऊन आलमगीरच्या छातीत भोसकला. या हल्ल्यात तो गंभीर जखमी झाला होता. पण, दोघींनी त्याला जवळच्या आरोग्य केंद्रात नेले, मात्र त्याची परिस्थिती अत्यंत नाजूक होती त्यामुळे डॉक्टरांनी त्याला पीएमसीएच रुगालयात नेण्यास सांगितले. पीएमसीएचच्या वाटेवरच आलमगीरचा मृत्यू झाला.’
पोलिसांना माहिती मिळताच त्यांनी तातडीने सर्व गावकऱ्यांशी चर्चा केली. त्यांनतर आलमगीरचा मृतदेह सदर रुग्णालयात शवविच्छेदनासाठी पाठवण्यात आला आहे. पोलिसांनी दिलेल्या माहितीनुसार, ‘कडाक्याचं
भांडण झाल्यानंतर एका पत्नीने आलमगीरला घट्ट पकडून ठेवले आणि दुसऱ्या पत्नीने त्याच्या छातीत खंजिराने सपासप वार केले. दोन्ही बायकांना ताब्यात घेतले आहे. प्राथमिक तपासातून दोन लग्नांवरून वाद झाल्याची माहिती पुढे आली आहे.’
हे पण वाचा
- अंगारिका चतुर्थीनिमित्त श्रीक्षेत्र पद्मालय येथे पहाटे महापूजा; भाविकांची गर्दी, प्रशासनाची चोख व्यवस्था
- एरंडोल तालुक्यात हळदी समारंभात गावठी कट्ट्यासह फिरणारा युवक अटकेत; जिवंत काडतूस जप्त.
- खरीप हंगामासाठी सज्जता; एरंडोल-पारोळा आढावा बैठकीत आमदार अमोलदादा पाटील यांचे मार्गदर्शन
- एरंडोलमध्ये बुद्ध जयंती समितीची बैठक उत्साहात संपन्न, सुमित उर्फ लकी शिंदे यांची अध्यक्षपदी सर्वानुमते निवड.
- ग्रामीण भागातील विक्रेत्यांकडून एरंडोल शहरात गुटख्याची विक्री, पोलीस प्रशासनासह अन्न व औषध प्रशासनाचे सोयीस्करपणे दुर्लक्ष.
